Nursultan Nazarbaevtyń qandaı mártebeleri saqtalady

ASTANA. QazAqparat - Nursultan Nazarbaev respýblıkalyq telearnalar arqyly Qazaqstan halqyna arnalǵan málimdemesinde prezıdenttik ókilettik toqtaǵan soń, qandaı mártebeleriniń saqtalatynyn málimdedi, dep habarlaıdy QazAqparat tilshisi.

«Ózderińiz bilesizder, zańdarymyzǵa sáıkes men Tuńǵysh Prezıdent - Elbasy (Ult kóshbasshysy) mártebesine ıe boldym. Eleýli ókilettigi bar Qaýipsizdik Keńesiniń Tóraǵasy retinde qyzmet ete beremin. «Nur Otan» partııasynyń Tóraǵasy, Konstıtýtsııalyq Keńestiń múshesimin. ıAǵnı ózderińizben birge bolamyn. Elimizdiń, halqymyzdyń qamy - meniń múddem bolyp qala beredi», - dedi Nursultan Nazarbaev.

Sonymen birge, Tuńǵysh Prezıdent táýelsiz Qazaqstan memleketiniń negizin qalaýshy retindegi basshylardyń jańa býynynyń bılikke kelýin qamtamasyz etýdi óz mindeti dep atady.

Eske sala ketsek, búgin Nursultan Nazarbaev QR Prezıdenti retindegi ókilettigin toqtatatynyn málimdedi.