Nursultan Nazarbaev Túrkııa halqyna kóńil aıtty

NUR-SULTAN. QazAqparat - Elbasy Túrkııa Respýblıkasynyń Prezıdenti Rejep Taııp Erdoǵanǵa kóńil aıtý jedelhatyn joldady, dep habarlaıdy QazAqparat Elbasynyń baspasóz qyzmetine silteme jasap.

Qazaqstannyń Tuńǵysh Prezıdenti Túrkııanyń Elıazyg jáne Malatıa provıntsııalarynda oryn alǵan jáne adamdardyń qazasyna ákelip soqtyrǵan qýatty jer silkinisi týraly sýyt habardy kúızelispen qabyldady.

«Osyndaı qıyn sátte qaza tapqandardyń týys-týǵandaryna, sondaı-aq búkil Túrkııa halqyna aýyr qaıǵylaryna ortaqtasyp, kóńil aıtamyn.

Zardap shekkenderdiń tezirek saýyǵyp, otbasylaryna oralýyna tilektespin», - delingen jedelhatta.