Nursultan Nazarbaev: Sultan Sartaev otandyq quqyqtaný salasyna eleýli úles qosty

NUR-SULTAN. QazAqparat - Elbasy Nursultan Nazarbaev professor S.Sartaevtyń qaıtys bolýyna baılanysty kóńil aıtý jedelhatyn joldady, dep habarlaıdy QazAqparat elbasy.kz silteme jasap.

Nursultan Nazarbaev qazaqstandyq tanymal zańgerdiń ómirden ótkeni týraly sýyt habardy kúızelispen qabyldady.

Qazaqstannyń Tuńǵysh Prezıdenti ǵalymnyń otbasy men týǵan-týystaryna jáne áriptesterine kóńil aıtty.

«Sultan Sartaıuly otandyq zań jáne quqyqtaný salasyn damytýǵa eleýli úlesin qosqan zerdeli zertteýshi bolatyn. Ol memleket pen qoǵam isterine de belsene aralasyp, jaýapty qyzmetter atqardy.

Únemi azamattyq aıqyn ustanymyn tanytyp, qajyrly eńbegimen elimizdiń ósip-órkendeýine atsalysyp, kóptiń syı-qurmetine bólendi», - delingen jedelhatta.