Nursultan Nazarbaev Nıkolıa Sarkozımen telefon arqyly sóılesti

NUR-SULTAN. QazAqparat - Nursultan Nazarbaev Frantsýz Respýblıkasynyń burynǵy Prezıdenti Nıkolıa Sarkozımen telefon arqyly sóılesti, dep habarlaıdy QazAqparat elbasy.kz-ke silteme jasap.

Nıkolıa Sarkozı Elbasyn mereıtoıymen shyn júrekten quttyqtap, myqty densaýlyq, baq-bereke jáne jaýapty memlekettik qyzmetine tabys tiledi.

Frantsııanyń burynǵy Prezıdenti Nursultan Nazarbaevpen dostyq qarym-qatynasty joǵary baǵalaıtynyn jáne eki el arasyndaǵy yntymaqtastyqty belsendi damytý baǵytynda birlese jumys istegen jyldardy jyly sezimmen eske alatynyn aıtty.

Elbasy Nıkolıa Sarkozıge shynaıy quttyqtaýy men jyly lebizderi úshin rızashylyǵyn bildirip, 2008 jyly Parıjde taraptar qol qoıǵan Qazaqstan men Frantsııa arasyndaǵy Strategııalyq seriktestik týraly kelisiminiń erekshe mańyzdylyǵyna nazar aýdardy.

Telefon arqyly sóılesýge Frantsııa jaǵy bastamashy boldy.