Nursultan Nazarbaev elordadaǵy atletıka alańyn aralap kórdi

NUR-CULTAN. QazAqparat - Qazaqstannyń Tuńǵysh Prezıdenti jańa Jeńil atletıka sport keshenine bardy. Bul týraly QazAqparat elbasy.kz saıtyna silteme jasap habarlaıdy.

Shara barysynda Nursultan Nazarbaev atletıka alańy men jattyǵý ortalyǵyn aralap, sport kesheniniń beıne tanystyrylymyn kórdi.

Jańa sport nysany bıyl qarasha aıynda iske qosylyp, Olımpıadalyq daıarlaý ortalyǵyna paıdalanýǵa berildi. Sport kesheni Halyqaralyq jeńil atletıka federatsııasynyń (IAAF) sertıfıkatyna ıe boldy. Bul sertıfıkat eń joǵary deńgeıdegi jarystardy ótkizýge múmkindik beredi.

Keshende júgirý joldary bar atletıkalyq alań, eki basseın, qonaq úı, balalar alańy, fýd-kort, trenajer zaly, ıadro laqtyrý, bıiktikke jáne uzyndyqqa sekirýge arnalǵan jattyǵý alańdary ornalasqan.

Nysan qurylysy «Samuryq-Qazyna» aktsıonerlik qoǵamynyń qarajatyna salyndy.