Nursultan Nazarbaev birqatar bankterge eskertý jasady
«Ótken jyly Ulttyq banktiń esebinen bankterdi saýyqtyrý baǵdarlamasy atqaryldy. Boldy. Osymen atalǵan baǵdarlama jabyldy. Endi, memlekettik qoldaý sharalaryna atsalyspaǵan bankter Ulttyq bankten kómek surasa da, eshqandaı qamqorlyq jasalmaıdy», - dedi Elbasy Ulttyq bank qyzmetiniń qorytyndylary jóninde keńeste.
Prezıdenttiń aıtýynsha, búginde Eksımbank, Astana banki, Qazaq banki sııaqty qarjy uıymdarynyń kórsetkishteri durys emes. Sebebi aktsıonerler ol bankterdi tıimdi basqara almady.
«Olar biraz aqshaǵa qaryzdar bolyp qaldy. Ondaı bankter qalaı jumys isteıdi? Endi, taǵy bárin memleketke artyp qoıamyz ba? Aktsıonerler óz bankterin saqtap qalamyz dese, alyp shyqqan aqshalaryn qaıtarsyn, óz kapıtaldaryn da salsyn. Ol bankterge kvazımemlekettik kompanııalar da, xalyq ta biraz aqsha quıdy. Sony qaıtarsyn. Sodan keıin jumys istesin. Onsyz eshqandaı qoldaý jasalmaıdy. Al basqa bankter memleketten alǵan aqshasyn birtindep qaıtarady», - dep atap kórsetti Memleket basshysy.
