Nursultan Nazarbaev Áset Isekeshevti qabyldady
Kezdesý barysynda Elbasy Qaýipsizdik keńesiniń jańa jaǵdaıda atqaryp jatqan jumysynyń mańyzdylyǵyna toqtaldy. Qaýipsizdik keńesiniń ulttyq qaýipsizdikti, qorǵanys qabiletin, zańdylyq pen quqyqtyq tártiptiń saqtalýyn qamtamasyz etýde mańyzdy ról atqarǵany atap ótildi.
Óz kezeginde Á.Isekeshev koronavırýs epıdemııasyna qarsy jáne ekonomıkalyq qaýipsizdikti qamtamasyz etýmen baılanysty daǵdarysqa qarsy is-sharalardy júzege asyrý jónindegi Qaýipsizdik keńesiniń sheshimderiniń oryndalý barysy týraly baıandady.
Sonymen birge Qazaqstannyń Tuńǵysh Prezıdentine elimizdegi zańdylyq pen quqyqtyq tártiptiń ahýaly, áskerı, quqyq qorǵaý jáne arnaıy memlekettik organdardyń qyzmeti boıynsha máseleler, sondaı-aq qorǵanys ónerkásibi kesheniniń damý perspektıvalary jóninde egjeı-tegjeıli aqparat berildi.
