Nursultan Nazarbaev Armen Djıgarhanıannyń jaqyndaryna kóńil aıtty

NUR-SULTAN. QazAqparat - Elbasy Nursultan Nazarbaev KSRO halyq ártisi Armen Djıgarhanıannyń qaıtys bolýyna baılanysty týǵan-týystaryna kóńil aıtý jedelhatyn joldady, dep habarlaıdy QazAqparat.

«Qazaqstannyń Tuńǵysh Prezıdenti kórnekti mádenıet qaıratkeri, akter Armen Djıgarhanıannyń qaıtys bolǵany týraly habardy kúızelispen qabyldady.

Elbasy A.Djıgarhanıan bar ǵumyryn ónerge arnap, óziniń talanty men kásibı sheberliginiń arqasynda mıllıondaǵan kórermenniń qurmeti men ystyq yqylasyna bólengenin atap ótti.

Nursultan Nazarbaev Armen Djıgarhanıannyń jarqyn beınesi jurtshylyq jadynda árdaıym saqtalatynyna senim bildirdi», - delingen QR Tuńǵysh Prezıdentiniń resmı saıtynda.