Nursultan Nazarbaev 90 jyldary týraly: Ájeler asfaltqa jatyp alatyn
Aıta keteıik, Qazaqstandaǵy jetekshi BAQ ókilderiniń QR Prezıdenti Nursultan Nazarbaevpen suhbatynda Memleket basshysyna "Qaı kezde eldi basqarý qıyn: Táýelsizdiktiń alǵashqy jyldarynda ma, álde qazirgi ýaqytta ma?" degen suraq qoıyldy.
«Ol kez ben qazirgi sátti salystyrý qıyn. Táýelsizdiktiń alǵashqy jyldary qaıda qadam jasarymyzdy bilmedik. Eshkim bizge baǵyt siltemedi, sotsıalızmnen kapıtalızmge qalaı ótýdi kórsetpedi. Biz kapıtalızmnen sotsıalızmge aýysqanbyz, al kerisinshe jaǵdaı bolmaǵan edi", - dep jaýap berdi Nursultan Nazarbaev jýrnalıst suraǵyna.
Elbasy sol jyldary barlyq zaýyttyń toqtatylyp, eki mıllıon adamnyń jumyssyz qalǵanyn eske aldy.
"Dúkenge kirgende bos sórelerdi ǵana kóretinmin. Bir bótelke sút úshin balaly áıelder tańǵy tórtten kezekke turatyn. Tipti, kádimgi nan jetkizilmedi, shujyq, temeki, qant bolǵan joq. Jumystan qaıtyp kele jatqanda ájeler asfaltqa jatyp alatyn. Kólikten túsip, bir jarym saǵat sóılesetinmin. Al qazirgi qıyndyqtar ıntellektýaldy turǵyda ǵana. Sol sátte Tsıfrly Qazaqstan týraly oılaǵan jan bar ma? 90-jyldary ınternettiń ne ekenin bilmedik (...) Eger elde kelisim ornap, halyq pen bılik birtutas bolsa, barlyq qıyndyqtardy eńserýge bolady. Bárinen buryn, basshy halyqqa qyzmet etip, halyqty birinshi orynǵa qoısa ǵana, alǵysqa ıe bolady", - dep atap ótti Nursultan Nazarbaev.
