Nurmat Myrzabaev eki aıdan keıin «Tarazdyń» bas bapkeri qyzmetinen ketti

ASTANA. KAZINFORM - Qazaqstandyq maman Nurmat Myrzabaev «Taraz» komandasynyń bas bapkeri qyzmetinen ketti.

Ol bul laýazymǵa bıyl maýsym aıynda taǵaıyndalǵan edi. Sodan beri 7 kezdesýde nebári 5 upaı jınap, týrnır kestesinde nebári 12-oryndy mise tutyp tur.

Nurmat Narmanuly 1972 jyly 11 qarashada dúnıege kelgen. Kásibı fýtbolshy retinde «Taraz», «Ertis», «Esil», «Aqtóbe» sekildi komandalarda 301 match ótkizip, 34 gol soqqan. Qazaqstan ulttyq quramasynda 16 oıynda 1 márte mergendik tanytqan.

Jambyl fýtbolynyń túlegi «Taraz» sapynda Qazaqstan chempıony atanǵan.

2006 jyldan bastap bapkerlik qyzmetke kiristi. Osy kúnge deıin «Taraz» fýtbol ortalyǵynda QJ League komandalarynyń úılestirýshisi laýazymyn atqardy.

Eske salsaq, budan buryn Bahtıer Zaınýtdınov máskeýlik «Dınamo» komandasyna aýysty.