Nurly jer: jeńil ıpoteka alýdyń 7 qadamy
Kóptegen qazaqstandyqtar «Nurly jer» turǵyn úı qurylys baǵdarlamasy jóninde estigen. Alaıda ol týraly egjeı-tegjeıli, bastysy oǵan qalaı qatysýǵa bolatyndyǵy týraly aqparatty kópshilik bile bermeıdi.
«Nurly jer» turǵyn úı qurylys baǵdarlamasynyń negizgi operatory «Báıterek» holdıngi bolyp tabylady. Holdıngke kiretin 11 kompanııanyń 5-eýi tikeleı baǵdarlamany iske asyrýǵa qatysady. Olar Turǵyn úı qurylys jınaq banki, Qazaqstandyq ıpotekalyq kompanııa, Turǵyn úı qurylysyna kepildik berý qory, Damý qory jáne «Báıterek development» AQ.
«Nurly jer» baǵdarlamasy boıynsha memleket tarapynan qyzyǵýshylyq tanytyp otyrǵan usynystardyń biri jyldyq 10 %-ben beriletin jeńildik ıpotekasy bolyp tabylady. Bul baǵyt Qazaqstandyq ıpotekalyq kompanııaǵa (budan ári - QIK) bekitilip berilgen. Biz jeńildik ıpotekasyn alýǵa arnalǵan 7 qadamdy jasadyq.
Birinshi qadam: Sizge ıpotekalyq turǵyn úı qaryzyn alý úshin bankke qujattar jáne sýbsıdııa alý úshin ótinish tapsyrý qajet. Qujattar tizimin sol bankten alýǵa bolady.
Ekinshi qadam: Bank Sizdiń tólemge qabilettiligińizdi, kepilzatpen qamtamasyz etýińizdi baǵalaıdy.
Úshinshi qadam: Eger bank oń sheshim qabyldasa, úsh jumys kúni ishinde QIK-ke sýbsıdııa usyný týraly ótinish jiberedi.
Tórtinshi qadam: QIK ótinish alǵannan keıin bes jumys kúni ishinde Sizdiń qujattaryńyzdy baǵdarlamada belgilengen talaptarǵa sáıkestigine tekseredi.
Besinshi qadam: QIK sheshim qabyldaǵan kúnnen bastap úsh jumys kúni ishinde bankke sheshim qabyldaǵany týraly jazbasha habarlama jiberedi.
Altynshy qadam: Bank QIK-ten alynǵan sheshim negizinde Sizben banktik qaryz shartyn, ıpotekalyq shart jasaıdy, tólemder kestesin qurady, sondaı-aq óz tarapynan sýbsıdııalandyrý shartyna qol qoıady jáne Sizdiń tarapyńyzdan oǵan qol qoıylýyn qamtamasyz etedi jáne sýbsıdııalandyrý shartyn QIK-ke jiberedi. Sýbsıdııalandyrý shartyna qol qoıylǵannan keıin QIK shartqa qol qoıylǵan kúnnen bastap eki jumys kúni ishinde bankke sharttyń eki danasyn qaıtarady, onyń bireýin bank Sizge beredi.
Jetinshi qadam: Sýbsıdııalandyrý sharty oǵan qol qoıylǵan sátten bastap kúshine enedi. Quttyqtaımyz, Siz «Nurly jer» baǵdarlamasy arqyly sýbsıdııalanǵan ıpoteka alasyz!
Osy oraıda, biraz suraq týyndaıdy. Sondyqtan basqa da tolyq aqparat keltire ketsek.
1. Sýbsıdııalandyrylǵan qaryz boıynsha qaryz alýshyǵa túpkilikti mólsherleme 10%-dy quraıdy, mólsherlemeniń qalǵan bóligin QIK óteıdi.
2. Bank resimdeýmen jáne qaryz berýmen baılanysty eshqandaı komıssııa almaıdy.
3. Osy baǵdarlama boıynsha tek turǵyn úı qunynan 30% alǵashqy jarnasy bolǵanda alǵashqy turǵyn úıdi (jeke satýshynyń emes, qurylys kompanııasynyń turǵyn úıi) ǵana satyp alýǵa bolady, mundaı qaryz 10 jylǵa deıingi merzimge qarajattandyrylady. Almaty jáne Astana qalalarynda kredıttiń eń úlken qarajattandyrylatyn somasy 20 mln. teńgeni, oblystarda - 15 mln. teńgeni quraıdy.
4. Qazirgi sátte, Siz «Nurly jer» sheńberinde ıpoteka alý úshin «Bank TsentrKredıt» AQ, «ATFBank» AQ, «Sberbank» AQ EB jáne «Bank VTB» AQ-ǵa ótinish jasaı alasyz.
