Nurly jer: Tarazda 960 páter paıdalanýǵa beriledi

TARAZ. QazAqparat - Tarazda salynyp jatqan kóppáterli turǵyn úı jaqynda paıdalanýǵa berilmek. Qazir páterler tekseristen ótip jatyr, dep habarlaıdy «QazAqparat» HAA tilshisi Taraz qalasy ákimdiginiń baspasóz qyzmetine silteme jasap.

«Araı» turǵyn alabynda 2014 jyldan beri jańa shaǵyn aýdan salynyp  jatyr. Kóppáterli turǵyn úıler 14 gektar jer aýmaǵynda ornalasqan.

2015 jyly 65 páterli eki turǵyn úı «Turǵyn úı-qurylys jınaq banki» arqyly paıdalanýǵa berildi. Uly Otan soǵysynyń ardagerleri, memlekettik qyzmetkerler, áskerı qyzmetkerler, bıýdjettik qyzmetkerler, kópbalaly otbasylar jáne jetim balalar páterge ıe boldy.

2016 jyly QR Táýelsizdiginiń 25 jyldyǵyn merekeleý aıasynda «Nurly jol» baǵdarlamasy boıynsha salynǵan jańa úıden taǵy 80 otbasy páterli boldy.

Qazir «Araı» shaǵyn aýdanynda qurylysy 2016 jyly bastalǵan 80 páterli 12 bes qabatty úıdiń qurylysyn aıaqtaý jumystary júrip jatyr. Bıylǵy jyly turǵyn úı qurylysy memlekettik baǵdarlamasy boıynsha   jalpy aýdany 66,3 myń sharshy metrden turatyn 10 úı paıdalanýǵa berildi. Naýryz aıynda «Bın» jáne «Agrospetsstroı» kásiporyndary bastaǵan 80 páterli eki úıdiń qurylysy 2018 jyly aıaqtalady dep kútilýde. Jalpy alǵanda Tarazda 960 páter salyndy.

«Jambylhımstroıınjenerıng» JShS dırektory ıÝrıı Mınakovtyń aıtýynsha, qazir kompanııa jalpy aýdany 6128 sharshy metrden turatyn 80 páterli bes qabatty úıdiń qurylysyn aıaqtap jatyr. Qurylysqa paıdalanylǵan materıaldardyń 90 paıyzy jergilikti óndiristen alynǵan.

Taraz qalasyndaǵy «Araı», «Qarasý» jáne «Báıterek» shaǵyn aýdandaryndaǵy, sondaı-aq Jambyl aýdanynyń Asa aýylyndaǵy turǵyn úılerdiń qurylysy «Halyqtyń áleýmettik turǵydan álsiz tobyna arnalǵan jaldamaly páter qoryn qurý» baǵyty aıasynda júzege asyrylýda.  Tórt kóppáterli turǵyn úı qurylysyna QR Ulttyq qorynan 1,6 mlrd teńge qarastyrylǵan. Jobalardy júzege asyrý kezeńinde 470 ýaqytsha jumys oryny quryldy.

Taraz qalasy ákimdiginiń málimetinshe, 2016 jyly jas otbasylary men Taraz qalasynyń turǵyndaryn turǵyn úımen qamtamasyz etý úshin 107,6 sharshy metr turǵyn úı turǵyzyldy. 2017 jylǵa oblys ortalyǵynda «Turǵyn úı-qurylys jınaq banki» men «Báıterek development» kompanııasy baǵyttary boıynsha 11 úıdiń qurylysy josparlanyp otyr.

QR Prezıdentiniń tapsyrmasy boıynsha 2016 jyly Úkimet «Nurly jer» biryńǵaı turǵyn úı qurylysy baǵdarlamasyn ázirledi. Baǵdarlama qazaqstandyq otbasylaryn qoljetimdi baspanamen qamtamasyz etýge negizdelgen.

«Nurly jer» baǵdarlamasy boıynsha 15 jylda shamamen 1,5 mıllıon qoljetimdi baspana salynady dep josparalanyp otyr.