«Nurly jer»: Semeıde 153 páter paıdalanýǵa berildi
Búginde Qaraǵaıly shaǵyn aýdanynda «Nurly jer» baǵdarlamasy boıynsha 8 turǵyn úı salynyp, 3 kópqabatty úı paıdalanýǵa berilgen. Qalǵan úıler bıylǵy jyldyń naýryz jáne sáýir aılarynda iske qosylady. Al búginge deıin 153 páter paıdalanýǵa berilgen.
Mamandar taǵy 5 kópqabatty úı paıdalanýǵa berilmese de, salymshylar ózderi qalaǵan páterdi brondaı alatynyn jetkizdi.
«Bank klıentterine «Nurly jer» baǵdarlamasy boıynsha páter alý úshin esepshotta turǵyn úı qunynyń 20 paıyzy ǵana bolsa jetkilikti», - dedi «Turǵynúı qurylys jınaq bankiniń» klıenttermen jumys jasaý bóliminiń mamany Alýa Tóleýmýhametova.
Bul rette qaryz boıynsha jyldyq paıyzdyq mólsherleme 5%-dy quraıdy. Nesıe boıynsha eń tómengi tólem 32 566 teńge. Qaryz merzimi 25 jyl. Bank salymshylaryna arnalǵan barlyq turǵynúıler 1 sharshy metrine 140 000 teńgeden aspaıtyn baǵada. Sonymen qatar, jańa shaǵyn aýdanda «Óz úıim» baǵdarlamasy aıasynda 72 páterli turǵyn úı satylymǵa shyqty. Baǵdarlamaǵa banktiń kez-kelgen klıenti qatysa alady. Bul úshin turǵynúı qunynyń 20 % mólsherinde bastapqy jarna bolý qajet.
