«Nurly jer»: Saranda 5 qabatty turǵyn úı salynýda

SARAN. QazAqparat -Qaraǵandy oblysynyń Saran qalasynda qarqyndy túrde turǵyn úı qurylysy júrip jatyr. Ol jaıly aımaqtyq kommýnıkatsııalar qyzmetinde ótken brıfıng barysynda Saran qalasynyń ákimi Erjan Temirhanov málimdedi, dep jazady ákimniń saıty.

«Elbasynyń jeke turǵyn úıler qurylysyn damytý boıynsha tapsyrmasyn oryndaý maqsatynda 29 gektar aýmaqta 291 jeke turǵyn úıler qurylysyn júzege asyrýǵa arnalǵan egjeı-tegjeıli josparlanǵan eki joba quryldy. «Nurly jer» memlekettik baǵdarlamasynyń arqasynda olar ınfraqurylymdarmen qamtamasyz etiletin bolady. Bıylǵy jyly barlyq qajetti qujattar ázirlengen. Aıta keteıin degenim, qalamyzda jeke úı salýǵa jer telimderin alýǵa kezek joq. Barlyq ótinimder túsken bette qanaǵattandyrylady. Jer telimderi ınjenerlik ınfraqurylymdary bar jergilikti jerden beriledi, - dep túsindirdi Erjan Temirhanov.

2018-shi jyldyń basynan Saranda qoldanysqa 5026 sharshy metr turǵyn úı berildi, onyń 26%-y jeke sektorǵa jatady.

«Nurly jer» memlekettik baǵdarlamasy sheńberinde Saranda 1 «a» yqsham aýdanynda 5 qabatty iri paneldi turǵyn úı jáne ınjenerlik-kommýnıkatsııalyq ınfraqurylymdar qurylysy bastaldy.

«Bul jobany júzege asyrý 120 kezekte turǵan azamattardy baspanamen qamatamasyz etip qana qoımaı, Indýstrıalandyrý kartasyna enetin jáne qalanyń negizgi jobalarynyń biri bolyp tabylatyn «KKK beton» JShS júkteýge múmkindik beredi. Osylaısha qurylystaǵy jergilikti quram kólemi de ulǵaıady», - dep atap ótti Erjan Temirhanov.

Sondaı-aq, Saranda «Gornıak» yqsham aýdanynda salynyp jatqan eki jaldamaly turǵyn úılerdiń qurylysy aıaqtalýǵa jaqyn qaldy. Onda 48 páter bar. Qoldanysqa berý 2019-shy jyldyń qańtaryna josparlanǵan.