Nurly jer: Qaraǵandy oblysynyń birneshe aýdanynda turǵyndar baspanaly boldy

QARAǴANDY. QazAqparat - Qaraǵandy oblysynda Naýryz merekesi kúnderi qala jáne aýyl turǵyndaryna jańa páterdiń kilti tabys etildi. Jalǵa beriletin turǵyn úı «Nurly jer» memlekettik baǵdarlamasy boıynsha bólindi, dep habarlaıdy QazAqparat tilshisi.

Naýryz meıramy Abaı, Jańaarqa jáne Nura aýdandarynyń, Prıozersk qalasynyń birqatar turǵyndary úshin qos merekege aınaldy.

Topar aýylynda 18 páterli úı salyndy. Áleýmettik qorǵalatyn sanattaǵy kezekte turǵandar: az qamtylǵan jáne kóp balaly otbasylar, jetim balalar jáne basqalar páter aldy.

«Árıne, óte qýanyshtymyn. Naýryz meıramyna arnalǵan tamasha syılyq boldy. On jyldan astam ýaqyt men jetim retinde kezekte turdym. Uzaq jyldar boıy búkil otbasymyzben Toparda da, Abaıda da páter jaldap turdyq. Biz bul úıdiń qalaı salynǵanyn baqylap otyrdyq. Olar qońyraý shalyp, páter beremiz dep habarlaǵan kezde, men tipti baqytyma senbedim», - dedi qonys toıyn atap ótýshilerdiń biri Eleonora Tomashevskaıa.

Jańaarqada «Jańa Nur» shaǵyn aýdanynda paıdalanýǵa berilgen jańa úıden 16 otbasyna kilt tapsyryldy.

Nurada eki úıelmen baspanaly boldy, onyń biri - kópbalaly otbasy.

Prıozersk qalasynda on otbasy baspanaly boldy.

Qaraǵandy oblysynda bıyl 662 myń sharshy metr turǵyn úı salý josparlanyp otyr – bul 2020 jylǵa qaraǵanda 25% kóp.

Onyń ishinde memlekettik turǵyn úı 165 myń sharshy metrdi quraıdy. Kezekte turǵan 2 900 adam páterlermen qamtamasyz etiledi dep kútilýde.