Nurly jer: Aqmolada 3 myńnan asa otbasy baspanaly boldy
Búgin aımaq basshysy Málik Myrzalın oblys turǵyndary aldynda óńirdiń 2017 jylǵy áleýmettik-ekonomıkalyq damý qorytyndylary men aldaǵy jylǵy mindetteri týraly esep berdi.
Eseptik kezdesýde baıandama jasaǵan oblys ákimi óńirde 2017 jyly «Nurly jer» baǵdarlamasy sheńberinde 426 myń sharshy metr turǵyn úı paıdalanýǵa berilip, 3640 otbasy turǵyn úı jaǵdaıyn jaqsartqanyn atap ótti.
«Jalpy, oblysta turǵyn úı salýda 2016 jylmen salystyrǵanda 117 paıyz ósim bary baıqalady. Jyl ishinde 7 jaldamaly (190 páter) jáne 5 nesıelik (171 páter) turǵyn úıler paıdalanýǵa berildi. Jekemenshik úı salý kólemi 130 paıyzǵa ósti. 250 myń sharshy metr turǵyn úı berildi. Ústimizdegi jyly kóp páterli 28 úı salý josparlanýda. Onyń 16-sy jaldyq jáne 12-si nesıelik. Oǵan qosa, «Esil» áleýmettik-kásipkerlik korporatsııasy arzan qurylys mehanızmin júzege asyrmaq. Aqmol aýylynda 10 kóp páterli úı men Qabanbaı batyr selosynda 200 jeke úı salynbaq. Oblystyq bıýdjetten jobalyq-smetalyq qujattamalaryn daıyndaýǵa 210 mıllıon teńge bólinip otyr», - dedi oblysy ákimi.
Sonymen qatar, Málik Myrzalın óz baıandamasynda jekemenshik turǵyn úı qurylysyn damytý úshin ınfraqurylymdary daıyn 360 jer telimi beriletinin, onyń 168-i oblys ortalyǵy aýmaǵynan ekenin atap ótti.
