Nurly jer: Aqmola oblysynda 60 otbasy baspanaly boldy

KÓKShETAÝ. QazAqparat – Aqmola oblysynyń ákimi Ermek Marjyqpaev jumys saparymen Jarqaıyń jáne Esil aýdandarynda bolyp, birqatar áleýmettik nysandardyń ashylýy men jańa páterlerdiń kiltin tapsyrý rásimine qatysty, dep habarlaıdy QazAqparat tilshisi oblystyq ishki saıasat basqarmasyna silteme jasap.

Óńirlerde áleýmettik ınfraqurylymdy damytýǵa zor kóńil bólinip otyr.

Jarqaıyń aýdanynda «Jumyspen qamtýdyń jol kartasy» baǵdarlamasy sheńberinde Ýálıhan selolyq okýrgindegi mádenıet úıine, N.Krýpskaıa atyndaǵy mektepke, A.Úkibaev atyndaǵy mektep ınternatyna jóndeý jumystary júrgizildi, jergilikti bıýdjet esebinen kópbeıindi kort salyndy.

Sonymen birge Derjavınsk qalasynda «Nurly jol» baǵdarlamasy boıynsha tazartý nysanymen birge káriz jelisi qalpyna keltirildi.

Aýdanǵa barǵan aımaq basshysy Ermek Marjyqpaev baspana kezeginde áleýmettik jaǵynan osal, kópbalaly otbasylarǵa, jetimderge jáne bıýdjettik sala qyzmetkerlerine páter kiltin tapsyrdy.

Jańa páter ıelerin qýanyshtarymen quttyqtaǵan aımaq basshysy elimizdiń basty saıasattarynyń biri – ár qazaqstandyqty baspanamen qamtamasyz etý ekenin atap ótti.

«Bizdiń oblys turǵyn úı baǵdarlamasyn júzege asyrýda belsendilik tanytýda. Sońǵy úsh jyldyń ishinde «Nurly jer» baǵdarlamasy sheńberinde 1,5 mıllıon sharshy metr turǵyn úı salyndy. 13 myńnan astam aqmolalyq baspana máselesin sheshti», - dedi E.Marjyqpaev.

Aıtalyq, keler jyly Jarqaıyń aýdanynda 80 páterli turǵyn úıdi qalpyna keltirý josparlanǵan.

Al, Esil aýdanynda aımaq basshysy «Jumyspen qamtýdyń jol kartasy» baǵdarlamasy sheńberinde jóndeý jumystary júrgizilgen áleýmettik nysandar men qurylys jumystary salynyp jatqan óndiris oryndarynda boldy.