Nurlan Saparbaı bokstan álem chempıonatynda 1/4 fınalǵa shyqty

ASTANA. KAZINFORM - Halyqaralyq boks assotsıatsııasy (IBA) aıasynda Dýbaıda (BAÁ) ótip jatqan álem chempıonatynda 8 jeltoqsanda el quramasynan Nurlan Saparbaı (92 keliden joǵary) jarysty jalǵastyrady.

Otandasymyz bul joly beıtarap eldiń ókili Iman Ramızanpýrdelvarmen sheberlik baıqasty. Birinshi jáne ekinshi raýndta Nurlannyń basymdyǵy baıqalsa, úshinshi raýndta tóreshiler túgeldeı jeńisti qarsylasyna berdi. Nátıjesinde qazaqstandyq boksshy jarysty jalǵastyrýǵa múmkindik aldy.

Aıta ketsek, búgin el quramasynan Sanatáli Tóltaev (67 keli) shırek fınalǵa shyqty.

Al Erasyl Jaqpekov (80 keli), Nýrmagamed ıÝsýpov (92 keli) qarsylasyna ese jiberdi.

Endi keshki sessııada Temirtas Júsipov (48 keli) úndistandyq Devendra Sıngh Salandı Sabyrjan Aqqalyqov (75 keli) Dańa Zelandııa ókili Taýhırımatı Toherırı-Hallıt), Serik Temirjanov (60 keli) zambııalyq Endrıý Chılatamen kezdesedi.

ІBA týrnıri 3-13 jeltoqsan aralyǵynda Dýbaıda uıymdastyrylady. Bul básekede 13 salmaq dárejesi belgilengen. Júlde qory óte joǵary: chempıondar — 300 myń dollar, kúmis júldegerler — 150 myń dollar, qola júldegerler — 75 myń dollar, al shırek fınalıster 10 myń dollar alady.

Bıyl dúbirli dodaǵa jer-jahannyń 95 elinen bylǵary qolǵap sheberleri keldi.