Nurlan Noǵaev munaı jáne gaz kesheni qyzmetkerlerin kásibı merekemen quttyqtady
«Qurmetti Áriptester!
Mınıstrliktiń jáne ózimniń atymnan kásibı mereke – Munaı jáne gaz kesheni qyzmetkerleri kúnimen shyn júrekten quttyqtaımyn. Sizderge qıyn da jaýapkershiligi mol qyzmetterińizge shynaıy rızashylyǵymyzdy bildiremin. Sondaı-aq sala ardagerlerine kásibı dástúrine adaldyqty saqtaı otyryp, ony keıingi urpaqqa jetkizgeni úshin alǵys aıtamyn.
Táýelsiz Qazaqstandaǵy bul mereke Prezıdenttiń Jarlyǵymen 2003 jyly kásibı mereke retinde resmı túrde bekitildi.
Ózderińiz biletindeı, munaı-gaz salasy – Qazaqstan ekonomıkasynyń jetekshi sektory. Ol eldiń jalpy salyq túsimderiniń edáýir bóligin, sondaı-aq eksporttyq kiristerdi ákeledi jáne tikeleı sheteldik ınvestıtsııalardyń kóp bóligi úshin qyzyǵýshylyq sektory bolyp tabylady. Energetıkalyq ındýstrııanyń Chevron, ExxonMobil, Eni, Agip, Total, Lýkoıl jáne t.b. sııaqty álemdik kóshbasshylarynyń keńinen qatysýy óńirdiń ınvestorlar úshin tartymdylyǵyn kýálandyrady.
Bizdiń elimiz úshin, Qazaqstan úshin 2021 jyl aýqymdy jáne mańyzdy jyl – táýelsizdikke qol jetkizgenniń 30 jyldyǵymen erekshelenedi. Osy jyldar ishinde munaı-gaz salasy qalyptasý jolynan ótti, eleýli tabystarǵa qol jetkizdi jáne bizdiń memleketimizdiń tarıhynda mańyzdy ról atqardy.
Búkil qazaqstandyq munaı-gaz kesheni úshin 1993 jyly Chevron korporatsııasymen Qazaqstannyń Tuńǵysh Prezıdenti – Elbasy Nursultan Nazarbaevtyń tikeleı jáne jeke qatysýynyń arqasynda Teńiz iri ken ornyn aýqymdy ıgerý jónindegi kelisimge qol qoıylýy negiz boldy.
Qazaqstanda negizgi munaı óndirý úsh iri ken oryndarynda júrgiziledi: Teńiz, Qarashyǵanaq jáne Qashaǵan.
Táýelsizdik alǵan kezden bastap respýblıkada munaı óndirý kólemi úsh jarym eseden astamǵa 2019 jyly jylyna 25 mln. tonnadan bastap 90,5 mln. tonnaǵa deıin ósti.
Qazaqstannyń munaı-gaz kesheni eldiń damýynda mańyzdy ról atqarady, el bıýdjetine salyq túsimderiniń edáýir bóligin qamtamasyz etedi jáne JІÓ-niń tórtten bir bóligin quraıdy.
Qazaqstanda 250-den astam munaı jáne gaz ken oryndary ashyldy, munaı óńdeý kásiporyndaryn jańǵyrtý júrgizilýde, munaı-gaz sektory qyzmetkerleriniń qajyrly eńbeginiń jáne osy saladaǵy naqty qoıylǵan memlekettik saıasattyń arqasynda óńirlerdi gazdandyrý jandandyryldy. Osyǵan baılanysty Munaı-gaz kesheni qyzmetkerleriniń kóptegen býyndarynyń eren eńbegin atap ótkim keledi. Sala ardagerleriniń qajyrly eńbekterine árqashan rızashylyq pen qurmet bola bermek.
Sondaı-aq, Memleket basshysy – Qazaqstan Respýblıkasynyń Prezıdenti Qasym-Jomart Kemeluly Toqaev Qazaqstan halqyna jyl saıynǵy Joldaýynda salanyń odan ári damýyn qamtamasyz etýdi jáne munaı-hımııa keshenderiniń qurylysyna, joǵary qaıta bólýdiń jańa óndiristik tsıklderin qurýǵa ınvestıtsııalar tartýǵa erekshe nazar aýdarýdy tapsyrǵanyn atap ótken jón. Osy tapsyrmany oryndaý úshin sala qyzmetkerleriniń qajetti bilimi, tájirıbesi, biliktiligi men quzyreti bar. Memleket basshysy belgilegen munaı-gaz salasyn odan ári damytý jónindegi maqsattardy iske asyrý jolynda áli de kóp jumys isteý kerek.
Qurmetti áriptester! Sizderge barlyq bastamalaryńyzǵa tabys pen sáttilik, Otanymyzdyń ıgiligi úshin jańa jetistikter, myqty densaýlyq, ár otbasyna baqyt pen amandyq tileımin!», - dep jazdy QR Energetıka mınıstri.
