Nurlan Noǵaev munaı óndirisin arttyrý týraly pikir bildirdi

NUR-SULTAN. QazAqparat – Energetıka mınıstri Nurlan Noǵaev munaı óndirisiniń kólemin arttyrýǵa qatysty ustanymyn aıtty, dep habarlaıdy QazAqparat.

«Men munaı óndirisiniń kólemin retteý máselesindegi ózge elderdiń ustanymyn aıta almaımyn. Biraq biz óndiris kólemin baıyppen arttyrýǵa negiz bar dep esepteımiz. Óıtkeni biz búkil álemde vaktsınalaý belsendi júrip jatqanyn kórip otyrmyz. Ol sharalar óz jemisin berip jatyr. Kásiporyndar ashylyp, ekonomıkalyq belsendilik kúsheıip keledi. Másele munaı óndirisin qansha kólemge kóbeıte alamyz degen suraqqa kelip tirelip tur», - dedi Nurlan Noǵaev.

Mınıstr OPEK+ uıymy kelisimniń sheshimimen munaı óndirisiniń kólemin arttyrýǵa ruqsat berilse, Qazaqstan neshe tonna munaı shyǵara alatynyn aıtty.

«Pandemııa bastalǵanǵa deıin jyl qorytyndysynda 90 mln tonna munaı men kondensat óndirý josparlanǵan bolatyn. Al is júzinde 85,7 mln tonna munaı aldyq. Osydan bizdiń áleýmetimizdi kórýge bolady. Munaı óndirisin arttyrý týraly kelisilgen sheshim shyqqan jaǵdaıda munaı men kondensattyń óndiris kólemin osynsha shamada arttyrýǵa múmkindigimiz bar», - dedi mınıstr.