Nurlan Qoıanbaev Túrkistan oblysy ákiminiń keńesshisi bolyp taǵaıyndaldy
TÚRKІSTAN. KAZINFORM — Túrkistan oblysy ákimi Darhan Satybaldynyń ókimimen Nurlan Qoıanbaev Túrkistan oblysy ákiminiń kreatıvti ındýstrııany damytý baǵyty boıynsha shtattan tys keńesshisi bolyp taǵaıyndaldy. Bul jaıynda óńir ákiminiń baspasóz qyzmetinen habarlandy.
Nurlan Qoıanbaev 1979 jyldyń 19 shildesinde Qyzylorda oblysynda dúnıege kelgen.
1996-2000 jyldar aralyǵynda ál-Farabı atyndaǵy QazUÝ-dyń tarıh fakýltetinde bilim alǵan.
2009-2011 jyldary ekonomıka jáne quqyq akademııasynda qarjy jáne nesıe fakýltetinde oqydy.
2012-2015 jyldary ál-Farabı atyndaǵy QazUÝ-da halyqaralyq qatynastar mamandyǵy boıynsha magıstratýrany bitirdi.
Buǵan deıin ol QR Prezıdenti Teleradıokesheniniń kreatıvti dırektory, «Qazaqstan» ulttyq telearnasynyń bas prodıýseri qyzmetin atqarǵan.
Respýblıkalyq telearnalarda basqa da tanymal jobalardy uıymdastyrýǵa atsalysty.
2021 jyly QR Prezıdentiniń Jarlyǵymen «Shapaǵat» medalimen marapattaldy.
