Nurǵısa Tilendıevtiń jary Darıǵa Tilendıeva ómirden ótti

ALMATY. KAZINFORM -  Qazaqstan Respýblıkasynyń Eńbek sińirgen ártisi, aktrısa, kompozıtor Darıǵa Tilendıeva 79 jasqa qaraǵan shaǵynda dúnıeden ótti.

Bul týraly Qurmanǵazy atyndaǵy Qazaq ulttyq aspaptar orkestri jáne Jambyl atyndaǵy Qazaq memlekettik akademııalyq fılarmonııasy habarlady.

- Jambyl atyndaǵy Qazaq memlekettik akademııalyq fılarmonııasy men N.Tilendıev atyndaǵy Akademııalyq folklorly-etnografııalyq «Otyrar sazy» orkestr ujymy «Parasat», «Qurmet» ordenderiniń kavaleri Dınara Nurǵısaqyzy Tilendıeva men aǵaıyn-týys, jaqyndarynyń qaıǵysyna ortaqtasyp kóńil aıtady, - dep habarlady fılarmonııadan.

Darıǵa Tilendıeva 1946 jyly 4 tamyzda Almaty oblysy Kóksý aýdanynda dúnıege kelgen. «Qazaqfılm» kınostýdııasynyń 2 jyldyq kýrsyn, Abaı atyndaǵy Qazaq pedagogıkalyq ınstıtýtyn 1980 jyly bitirgen. Alǵash ret «Qazaqfılm» kınostýdııasynda túsirilgen «Qulager», sodan keıin «Aq mashına», «Alty jasar Alpamys», «Qoshtasqym kelmeıdi», «Jambyldyń jastyq shaǵy», taǵy basqa kórkem fılmderinde ár túrli rólderdi somdady.

1993-2010 jyldar aralyǵynda N.Tilendıev atyndaǵy akademııalyq folklorly-etnografııalyq orkestrinde konferense qyzmetin atqardy. Sonymen qatar Darıǵa Tilendikelini «Qaıran meniń Nurekem», «Qazaqstan Respýblıkam meniń», «Qaratalym», «Mahambet baba» atty kóptegen án-kúılerdiń avtory.

Eske salaıyq, birneshe kún buryn respýblıkaǵa tanymal aıtys aqyny Sholpan Qydyrnııazova ómirden ozdy.