Nurdáýlet Kumaruly grek-rım kúresinen álem chempıonatynda kúmis aldy
ASTANA. KAZINFORM - Grekııa astanasy Afıny qalasynda ótip jatqan grek-rım kúresinen 17 jasqa deıingi jasóspirimder arasyndaǵy álem chempıonatynda Nurdáýlet Kumaruly (48 keli) kúmis júldeger atandy.
Qazaqstandyq balýan fınalda ózbekstandyq Býned Hasanovpen sheberlik baıqasty. Kezdesý barysynda otandasymyz qarsylasyna jol berip qoıdy.
El quramasynan Asqar Nurálı (55 keli) bas júldeni sarapqa salady.
Sondaı-aq endi el quramasynan Jańajol Qýanyshbek (45 keli), Bazarbek Danııar (51 keli), Aqon Damır (60 keli), Shamıl Dosbol (65 keli), Meıirbekuly Marlen (71 keli), Makhambaev Mardanbek (80 keli), Toıshy Ədilet (92 keli), Sovethan Baqtup (110 keli) bozkilemge shyǵady.
Álem chempıonaty 27-31 shilde aralyǵynda ótedi.
Aıta ketsek, qazaqstandyq tóreshiler 2025 jylǵy kúres túrleri boıynsha álem chempıonatynda qyzmet atqarady.
Birikken kúres álemi (UWW) jarııalaǵan 2025 jyly Horvatııanyń Zagreb qalasynda ótetin álem chempıonatynda qyzmet atqaratyn tóreshiler qatarynda Igor Lıgaı men Erik Jumabekov bar.