Nuraly Qudaıbergenuly: Taıaýda robottar zańdar men zańdylyqty ashýdy úırenedi
"Bolashaqta bizdi robottar álemi, jasandy ıntellekti álemi kútip turǵanyn bilemiz. Sondyqtan qazirdiń ózinen-aq bilim berý mektepterinde atalǵan jasandy nysandarmen shynaıy qarym-qatynas, durys túsiniktiń bolýyn jáne oqý barysyn durys uıymdastyrýdy engizý qajet. Qazirgi ýaqytta álemde sanaý múmkinshilikteri bar mashına - robottardyń óte mol sany jasalǵan. Olardyń basym bóligi kúrdeli emes is-qımyl algarıtmi bar qarapaıym qaıtalanatyn operatsııalarda, úlgilerdi tanýda adamdy almastyryp júr. Bul robottardyń keıbiri shahmatta jáne basqa da oıyndarda adamnan da basym túsip jatady. Degenmen, robottar naqty sózdiń naqty mánine kelgende adam sııaqty myqty bola almaıdy. Bizdiń ózimiz de kóptegen termınderdi, túsinikter men kategorııalardyń mánin uǵyna bermeımiz. Sondyqtan robottar ózderiniń málimetter bazasyn jańa mándermen, jańa alogorıtmdermen, jańa tájirıbemen tolyqtyryp otyrady. Degenmen ázirshe adamnyń mıi men oılaý qabiletiniń jumysynyń mánin ashpaıynsha jasandy ıntellekti jasaı almaımyz", - dedi ǵalym.
Onyń atap ótýinshe, álemniń kóptegen ýnıversıtetteri men zerthanalarynda paralleldi esepteýlerdi oryndaıtyn, kúrdeli taýly jerlermen qozǵala alatyn, adamnyń jumystaryn jyldam ári naqty oryndaı alatyn robottarmen jumys isteýde. Biraq, naqty bir jaǵdaıda sheshim qabyldaý tek qana adamǵa tán bolyp otyr.
N. Qudaıbergenulynyń aıtýynsha, ótken ǵasyrdyń 70-80-shi jyldarynda Keńes odaǵynda kóptegen ǵalymdar jasandy ıntellekti problemalaryn sheshti. Olardyń biri adamnyń oılaýyn qalyptastyrýda biregeı kedendi ádispen qarastyrǵan talantty ǵalym B.Qoıshybaev boldy. Ol oılaýdy uqsastyq jáne aıyrmashylyq, maǵyna jáne mán, zań jáne zańdylyq dep úsh bólikke bóldi.
Al Permde kelesi talantty ǵalym O. Mýhın baǵdarlamalaýdyń jańa ádisin "Strtým" nusqaýlyǵyn jobalaý tilin is júzinde qurdy. Eki talantty ǵalym Permde kezdesip, bilimderin almasqannan keıin álem jańa jańalyqpen tolyqty, jasandy ıntellekti tiliniń ádistemese jasaldy.
"Qazirgi ýaqytta "Stratým" tilinde tsıfrlyq kontenti, monıtorıngileý júıesi jáne jasandy ıntellekti elementteri bar "Tsıfrlyq mektep", "Tsıfrlyq JOO" quryldy. ıAǵnı bul kópqyzmetti jasandy ıntellekti qurýǵa bolatyn tsıfrlyq mádenıettiń jańa deńgeıi. Bul júıeni mektepten bastap qoldanýǵa bolady. Kelesi qadam sózderdi, qaıtalanatyn faktiler men qubylystar negizinde mán men maǵynany, odan ary zań men zańdylyqty anyqtaýǵa qabiletti mashına qurý bolmaq", - dedi N. Qudaıbergenuly.
