Nur-Sultanda jas ǵalymdardyń respýblıkalyq kongresi ótti
Kongress maqsaty - Elbasynyń memlekettik baǵdarlamalarynyń negizgi tujyrymdamalaryn iske asyrý sheńberinde túıindi problemalardy ınnovatsııalyq ındýstrııalandyrý arqyly jańǵyrtyp, eldiń ekonomıkalyq jaǵdaıyn jaqsartý, Qazaqstannyń ınnovatsııalyq damý jolyn jańa satyǵa kóterý, ozyq tehnologııalyq baǵyttar boıynsha tájirıbe almasý jáne JOO-nyń ǵylymı qyzmetiniń jańa áleýetin kórsetý.
Aıta keteıik, kongress arqyly tájirıbe almasýdyń tıimdiligin, jas ǵalymdardyń ózekti ıdeıalaryn arttyrý jáne kásibı yntymaqtastyqty damytý kózdelgen. Sondaı-aq, elimizdiń Tuńǵysh Prezıdenti - Ult Kóshbasshysy Nursultan Nazarbaev alǵa qoıǵan mindetterdi sheshýde damý vektorlaryn anyqtap, Qazaqstannyń álemniń damyǵan 30 eliniń qataryna kirýi úshin tıimdi strategııa qurý - basty nazarda boldy. Jas ǵalymdardy belsendi tartý arqyly el damýynyń ınnovatsııalyq joldaryn keńeıtý maqsat etilgen.
Jıynda Qazaqstan ǵylymynyń zamanaýı syn-qaterleri talqylanyp, memleket otandyq ǵylym aldyna qoıǵan mindetterdi sheshý maqsatynda kúsh-jigerdi shoǵyrlandyrý jaıy qaraldy. Álemdik saıası, tehnıkalyq-ekonomıkalyq máseleler konteksinde jahandyq syn-qaterler máseleleri sóz boldy. Kongreste odan bólek, ǵylym salasyn odan ári jańǵyrtý, ǵylymı-tehnıkalyq zertteýlerdi kommertsııalandyrý, zerthanalardy, zertteý ınstıtýttaryn materıaldyq-tehnıkalyq resýrstarmen qamtamasyz etý máselelerine erekshe nazar aýdaryldy.
Іs-sharaǵa elimizdiń joǵary oqý oryndarynyń jas, belgili ǵalymdary, qoǵam jáne memleket qaıratkerleri qatysty.
EUÝ jas ǵalymdarynyń elimizdiń ǵylymı ortasynda salmaqty orny bar. Bilim alýshy kontıngenttiń 25 paıyzdan astamy ǵylymı-zertteý jobalaryna tartylǵan.
Búgingi tańda EUÝ jas ǵalymdary óz jetekshilerimen birge otandyq ǵylym úshin bes basym baǵyt boıynsha ǵylymı jobalarǵa qatysady: ómir týraly ǵylym, energetıka, shıkizat pen ónimdi tereń óńdeý, aqparattyq jáne telekommýnıkatsııalyq tehnologııalar, eldiń zııatkerlik áleýeti. Munda stýdenttik ǵylymı qoǵam, ınnovatsııalyq kásipkerlikti qoldaıtyn «Startup-jobalar» aımaǵy, bıznes-jobalar daıyndaý men konsaltıngtik qyzmet kórsetý ortalyǵy jumys isteıdi. Sonymen qatar shaǵyn ınnovatsııalyq kásiporyndar men startaptar qurylýda.
Sonymen qatar, EUÝ reıtıng boıynsha birneshe jyl qatarynan aldyńǵy orynda: QS World University Rankings jáne Times Higher Education World University Ranking-da dáıeksóz boıynsha qazaqstandyq joǵary oqý oryndary arasynda 1 oryn; Halyqaralyq ǵylymı metrıkalyq derekter bazasyna (Thomson Reuters, Web of Science, Scopus, Sci Dire) kiretin ımpakt - faktorly jýrnaldardaǵy ǵylymı jarııalanymdardyń sany boıynsha 1 oryn; «2011-2015, 2017-1018 jyldardaǵy Qazaqstannyń eń dáıeksózdi ǵylymı uıymdary» nomınatsııasynda (Web of Science) jas ǵalymdardyń eńbegi zor.
Budan basqa, ýnıversıtet ǵalymdary ǵylymı jýrnaldardyń nátıjeliligine úlken úles qosady. Atap aıtqanda: «Scopus» halyqaralyq bıblıometrııalyq derekter bazasynda: «Eurasian Mathematical Journal», «Eurasian Journal of Mathematical and Computer Applications», «Eýrazııa fızıka jáne fýnktsıonaldyq materıaldar jýrnaly».
Eń tanymal qazaqstandyq ǵalymdar da osynda jumys isteıdi, al olardyń 30%-yn jas ǵalymdar quraıdy.
