Nur-Sultanda UBT úsh ýnıversıtettiń bazasynda ótedi

NUR-SULTAN. QazAqparat –Elordada ulttyq biryńǵaı testileý byltyrǵydaı kúnara emes, kún saıyn ótkiziledi, dep habarlaıdy qala ákimdiginiń resmı saıty.

Nur-Sultandaǵy ulttyq biryńǵaı testileý (UBT) 20 maýsym men 5 shilde aralyǵynda úsh ýnıversıtette ótedi: L.Gýmılev atyndaǵy Eýrazııa ulttyq ýnıversıteti (2 589 oqýshy, 13 aýdıtorııa), S.Seıfýllın atyndaǵy Qazaq agrotehnıkalyq ýnıversıteti (1818 oqýshy, 7 aýdıtorııa) jáne Qazaq ekonomıka, qarjy jáne halyqaralyq saýda ýnıversıteti (1884 oqýshy, 13 aýdıtorııa).

«Búginde UBT qatysýshylarynyń málimetter bazasy bar, sáıkestendirý kodtaryn berý rásimi ótti. UBT ótkizý oryndary barlyq qajetti qural-jabdyqtarmen qamtamasyz etildi», – dep habarlady Nur-Sultan qalalyq bilim basqarmasy.

Bıyl qatysýshylar sany eki ese artty. Soǵan baılanysty byltyrǵy oqý jylyndaǵydaı kúnara emes, ár kún saıyn ótkiziledi.