Nur-Sultanda saılaý týraly pikirtalas ótti
Shara barysynda «Jastar» ǵylymı-zertteý ortalyǵynyń dırektory Talǵat Qalıev kezekten tys prezıdenttik saılaýda saılaýshylardyń belsendiligi joǵary bolady degen pikir bildirdi, dep habarlaıdy QazAqparat tilshisi.
«19 mamyrdaǵy bılik tranzıti bolǵan sátten bastap jastardyń saıası ómirge degen qyzyǵýshylyǵy kúrt artqan sııaqty. Degenmen bul birden is-áreketke aınalady degendi bildirmeıdi. Sebebi qyzyǵýshylyq, sheshim qabyldaý jáne is-áreket arasynda belgili bir ýaqyt aralyǵy bar. Menińshe, saılaý belsendiligi barynsha joǵary bolady. Biz saýalnama júrgizgen edik. Oǵan sáıkes jastarǵa qaraǵanda aǵa býyn saılaýǵa belsendi túrde qatysýdy josparlap otyr», - dedi ol «Bolashaq» qaýymdastyǵy uıymdastyrǵan elimizdegi saılaýǵa qatysty pikirtalas alańynda.
Onyń paıymynsha, elektoraldi kezeń tynysh ótip jatyr.
«Buǵan qosa, qyzyǵýshylyq ta arta túsýde. Menińshe, qoǵam áli de bolsa bul saılaýdyń ereksheligin, ıaǵnı Nursultan Nazarbaevsyz ótetindigin sezine qoıǵan joq. Buǵan qosa bizde jetilýimiz kerek. Óıtkeni, belgili bir deńgeıde saıası protsesterdiń konservatsııasy oryn aldy jáne belsendilik pen jandaný da belgili bir evolıýtsııany talap etedi», - dedi saıasattanýshy.
Osy rette ortalyq dırektory bul jolǵy saılaýdyń ereksheligine toqtaldy.
«Eń aldymen bıýlletende QR Tuńǵysh Prezıdenti - Elbasy Nursultan Nazarbaev joq. Buǵan deıin adamdar ekpindi daýys berýge daǵdylanǵan. Sebebi Nazarbaevty óte jaqsy, al qalǵan kandıdattardy onsha bile bermeıtin», - dedi Talǵat Qalıev.
