Nur-Sultanda qysqy demalysty qalaı ótkizýge bolady
Qala turǵyndary arasynda tanymal ashyq alańdarda muz syrǵanaqtary qoıylyp, muz aıdyndary tóseldi, bul jerlerde kez kelgen adam syrǵanap, tıýbıngter men konkılerdi jalǵa ala alady. Munda siz ystyq shaı nemese kofe iship jylyna alasyz.
«Men qysqy oıyn-saýyqqa arnalǵan oıyn-saýyq qyzmetterimen aınalysamyn. Negizinen biz tóbeshikter men syrǵanaýǵa arnalǵan muz aıdyndaryn salamyz. Munyń barlyǵy Nur-Sultan qalasynyń turǵyndary men qala qonaqtary úshin jasalýda. Bıyl bizde alty buryshty syrǵanaıtyn tóbeshik bar, sonymen qatar muz aıdyny men býblık kross bolady. Munda qaýipsizdik tehnıkasyn qadaǵalaıtyn eriktiler jumys isteıdi», - dedi ınvestor Marat Sadyǵalıev.
Bıyl elimizdiń basty jańa jyldyq shyrshasy dástúrli túrde EKSPO aýmaǵynda «Nur álem» pavılonynyń janynda ornalasqan.
«Bul Nur-Sultan qalasynyń eń bıik jańa jyldyq shyrshasy, onyń bıiktigi 25 metr, dıametri 10,1 metr jáne qurylymnyń salmaǵy 4048 kg. Bıyl Qazaqstan Respýblıkasy Táýelsizdiginiń 30 jyldyǵy bolǵandyqtan, biz týymyzdyń tústerinen shabyt aldyq-bul kógildir jáne jyly-aq tús», - dedi dızaıner Darıa Safonova.
Aıta ketý kerek, tek Esil aýdanynyń aýmaǵynda ǵana 4 jańa jyldyq shyrsha ornatyldy: bastysy – EKSPO aýmaǵynda, «Han Shatyr» SOO janyndaǵy alańda, Dostyq kóshesindegi «Kerýen» SOO janynda, sondaı-aq Uly Dala jáne Aqmeshit kósheleriniń qıylysynda. Sonymen qatar, shyrshalar demeýshiler esebinen jáne basqa jerlerde ornatylady.
Aýdanda barlyǵy 10 oryn – qysqy demalys núkteleri ornalasqan.
Onyń ishinde:
- Ortalyq saıabaq;
- Qazaqstan Respýblıkasynyń Tuńǵysh Prezıdenti-Elbasy mýzeıiniń janyndaǵy Tuńǵysh Prezıdent saıabaǵynda;
- EKSPO alańy;
- Han-Shatyr SOO;
- Kerýen SOO;
- Jaǵalaý shaǵyn aýdany;
- Jasyl oram;
- Úrker turǵyn alaby;
- Prıgorodnyı turǵyn alaby;
- Botanıkalyq baq.
Baıqońyr aýdanynyń aýmaǵynda osy jyly 5 muz qalashyǵy jaılastyrylady, onda jańa jyldyq shyrshalar, muz aıdyndary, tóbeshikter men shaǵyn sáýlet nysandaryn ornatý kózdelgen.
«Jastar» saraıynyń aýmaǵynda aýdany 400 sharshy metrge jýyq muz aıdyny, jasóspirimder úshin bıiktigi 6 metr bolatyn tóbeshik jabdyqtalýda. Qalada bıiktigi 15 metr bolatyn jańa jyldyq shyrsha ornatylady, onyń janynda Aıaz Ata men Aqshaqar, sondaı-aq Santa úıi bolady. Sýburqaqtar da jańa jyldyq kıimderin kıedi. Aýmaqta konkıler men tıýbıngterdi jalǵa berý pýnkteri, sondaı-aq fýdkort jumys isteıdi. J. Táshenev kóshesindegi Atatúrik atyndaǵy saıabaq 2 tóbeshikpen jabdyqtalýda. Saıabaqta bıiktigi 18 metr bolatyn jańa jyldyq shyrsha, «Snegovık» MAF, Aıaz Ata men Aqshaqardyń beıneleri jáne t. b. ornatylǵan.
Budan basqa, jańa jyldyq keıipkerlerdiń músinderi men shyrshalary Abaı dańǵylyndaǵy «Jazýshylar» gúlzarynda, Óndiris, Kırpıchnyı, Kazgorodok turǵyn alaptarynda ornatylady.
Sondaı-aq, qala turǵyndary úshin aýdanda ornalasqan mektepter (№5 gımnazııa, №27, 34, 8, 87 OM) men Kemeńgeruly kóshesi, 8, Jubanov kóshesi, 3 aýlalarynyń aýmaǵynda 7 muz aıdyny quıylady.
Almaty aýdanynda «Qazaq eli» monýmentiniń aldyndaǵy alańda, Prezıdenttik saıabaqtyń Baıtursynov kóshesi jaǵynda, Aqbulaq ózeniniń jaǵalaýynda, Trıatlon parkte, Saraıshyq shaǵyn aýdanynda,Qoshqarbav kóshesi, 80 turǵyn úıleriniń aýmaǵynda, Jeleznodorojnyı, Internatsıonalnyı, Mıchýrıno, Kúıgenjar turǵyn alaptarynda ornalasqan turǵyn úıler aýdanynda taza aýada belsendi qysqy demalysty ótkizýge jáne muz tóbeshiginen syrǵanaýǵa bolady.
Bul qysqy demalys alańdarynda tıýbıngter men konkılerdi jalǵa berý uıymdastyrylady eken.
Sonymen qatar, ınvestordyń qarajaty esebinen «Jeruıyq» saıabaǵynda tóbeshik pen muz aıdyny jaılastyryldy.
Saryarqa aýdanynda da belsendi demalys ótkizýge bolady, mysaly, Esil ózeniniń jaǵasynda Kenesary han eskertkishinen «Serýen» kópirine deıin 2 qulamadan 5 tóbeshik, Beıbitshilik kóshesi, 11, 189 – shy kóshedegi Kóktal saıadaǵynda, sondaı-aq Qosshyǵululy men Beısekov kósheleriniń qıylysynda taǵy bes tóbeshik ornatyldy. Jaqyn arada Oqjetpes pen A.Gertsen kósheleriniń qıylysynda tóbeshik, al «Demalys promenad» aýmaǵynda muz aıdyny paıda bolady.
Bul oryndar saǵat 10.00-den 23.00-ge deıin jumys isteıdi.
Osyndaı qurylymdar men qurylystar elordanyń barlyq aýdandarynda ornatylǵan. Qalany sondaı-aq jańa jyldyń bastalǵany týraly habarlaıtyn syılyq, saǵat túrindegi kishigirim arhıtektýralyq pishinder, gırlıandalar jáne t.b. bezendirip tur. Túngi ýaqytta shamdar janǵan kezde jańa jyldyq bezendirý qalaǵa erekshe ertegi kórinisin beredi.
