Nur-Sultanda qosymsha bilim berý uıymdary ashylady

NUR-SULTAN. QazAqparat – Keler jyly elordada 3 qosymsha bilim berý uıymy ashylmaq. Bul týraly Nur-Sultan qalasy bilim basqarmasynyń basshysy Qasymhan Senǵazıev málim etti, dep habarlaıdy QazAqparat tilshisi.

«Búginde elordada 205 myń oqýshy bar. Bıyl 24 myń búldirshin mektep tabaldyryǵyn attady. Qalada qosymsha bilim berýmen aınalysatyn 11 uıym bar, onda 142 101 bala bilimin tolyqtyryp jatyr. Osylaısha elordalyq oqýshylardyń 74 paıyzy qosymsha bilimmen qamtamasyz etilgen. Onyń 11 paıyzy áleýmettik osal topqa jatatyn otbasynyń balalary. ıAǵnı áleýmettik az qamtylǵan otbasydan shyqqan jáne jetim balalar qosymsha bilim berýmen tegin qamtylǵan», - dedi Q. Senǵazıev qalalyq máslıhattyń qoǵamdyq keńesiniń otyrysynda.

Sondaı-aq, basqarma basshysy astanalyq oqýshylardy qosymsha bilim berýmen odan ári qamtýdyń josparymen bólisti.

«Qabyldanyp, iske asyp jatqan sharalarǵa qaramastan elordada qosymsha bilim berý kún tártibindegi máseleniń biri bolyp qala beredi. Osy turǵyda kelesi jyly 3 qosymsha bilim berý uıymyn ashý jospary tur. Osylaısha taǵy 5 myń astanalyq oqýshy qosymsha bilim berýmen qamtylmaq. Qosymsha bilim berý 8 baǵyttan turady. Ol ǵylym, tehnologııa, týrızm, saýyqtyrý, ınklıýzıv, áleýmettik-gýmanıtarlyq, shyǵarmashylyq, kórkemóner. Jalpy qazirgi ýaqytta oqýshylardyń 26 paıyzy qosymsha bilim berýmen qamtylmaǵan», - deıdi ol.

Onyń aıtýynsha, búginde qalada memlekettik uıymdardan bólek 100-ge jýyq jeke uıym qosymsha bilim berýmen aınalysady.