Nur-Sultanda Konstıtýtsııa kúnine oraı velosherý men júgirýden jarys ótedi

NUR-SULTAN. QazAqparat - Elordada 28-30 tamyz aralyǵynda júgirý men velojarystan onlaın saıys ótedi. Jarysqa qatysqysy keletinder ózine qolaıly ýaqytta qatysa alady, dep habarlaıdy QazAqparat.

Bul jarystardyń ereksheligi - barlyq qatysýshylar Strava arnaıy qosymshasyn qoldanýy kerek. Budan basqa, jarysqa qatysýshylar ózderine qolaıly kez kelgen ýaqytta 06:00-den 21:00-ge deıin qalaǵan qashyqtyqty baǵyndyra alady. Uıymdastyrýshylar jarys ótetin saıabaqty tańdaý quqyn qatysýshylarǵa beredi.

Qatysý sharttary:

1. Nátıjelerdi baqylaý úshin Strava mobıldi qosymshasyna tirkelý.

2. [e-mail] elektrondy poshtasyna tómendegi aqparattardy jiberý qajet:

- Aty-jóni;

- Strava baǵdarlamasyndaǵy shottyń ataýy;

- elektrondy meken-jaıy.

3. Barlyq saqtyq sharalardy saqtaı otyryp, marshrýtty aldyn ala daıyndaý kerek. Sanıtarlyq normalar men qaýipsizdik tehnıkasyn saqtaý qajet. Ár qatysýshy óz densaýlyǵyna jaýapty. Ár adam jarystyń qashyqtyǵy men ýaqytyn óz betinshe tańdaıdy.
Qala kósheleriniń, dańǵyldarynyń júrý bóligine shyǵýǵa qatań tyıym salynady.

4. Nátıjeni túzetý úshin telefonǵa, saǵattarǵa nemese bilezikke Strava baǵdarlamasyn qosýdy umytpańyz.

5. Júgirgennen keıin Instagram paraqshasynda óz nátıjeńizben birge beıne esep jarııalap, @sport_nursultan @elordasport paraqshalaryn óz qashyqtyǵyńyzdyń heshtegimen belgileńiz #onlaın5km, #onlaın10km, #onlaın15km, #onlaın25km.

«30 tamyz kúni saǵat 22:00-ge deıin Instagram-da jarııalanǵan vıdeo men nátıjeler qorytyndylanady. Sondaı-aq, ár qatysýshy qashyqtyq aıaqtalǵannan keıin WhatsApp-ta tirkeýden ótken nátıjeni usynýy kerek. Ár qatysýshynyń ýaqyty jeke tirkeledi», - delingen dene shynyqtyrý jáne sport basqarmasy habarlamasynda.

Jarys qorytyndysy boıynsha áýesqoılar men ardagerler arasyndaǵy jeńimpazdarǵa júldeler men medaldar tabystalady. Barlyq qatysýshylar týý týraly kýálikterimen nemese jeke kýálikterimen tirkeýden ótedi.

Qatysýshylar úshin baılanys nómirleri tómende keltirilgen:

1. Áýesqoı júgirý-WhatsApp
18 jas jáne odan joǵary, Edil tel.: [phone]

2. Ardagerler júgirisi-WhatsApp
40 jáne odan joǵary, Dýman tel.: [phone]

3. Áýesqoı velosherý-WhatsApp
18 jas jáne odan joǵary, Nurly tel.: [phone]

4. Ardagerler velosherýi-WhatsApp
40 jáne odan joǵary, Erlan tel.: [phone]

https://astana.gov.kz/kz/news/news/24240