Nur-Sultanda qazaq tilin oqytatyn tegin kýrstar bastaldy

NUR-SULTAN. QazAqparat – Elordada qazaq tilin tegin úıretetin kýrsqa qabyldaý bastaldy, dep habarlaıdy QazAqparat.

Qalalyq Tilderdi damytý jáne arhıv isi basqarmasy men «Rýhanııat» KMM uıymdastyrǵan til kýrstary «QR Til týraly» Zańy jáne QR til saıasatyn iske asyrýdyń 2020-2025 jyldarǵa arnalǵan memlekettik baǵdarlamasy negizinde júrgiziledi.

«Ótken jyly qalamyzdyń 1500-ge tarta turǵynyn bes deńgeı boıynsha qazaq tiline úırettik. Olar úshin qalanyń 4 aýdanynda oqý kabınetteri jumys istedi. Kýrs aptasyna úsh retten jyl sońyna deıin jalǵasty. Al, latyn grafıkasyna 854 qyzmetker ótinim bildirdi. Olardyń arasynda memlekettik qyzmetkerler, qorǵanys salasy mamandary, BAQ ókilderi bar. Bıyl da osy jumystardy júıeli atqaramyz», - dedi Tilderdi oqytý jáne ádistemelik jumystar jónindegi bólim basshysy Gúlnar Kamasheva.

Sonymen birge, júzden astam memlekettik qyzmetkerge aǵylshyn tilin meńgertý jáne 1500 adamdy latyn grafıkasyna úıretý josparlanǵan. Atalǵan kýrsty joǵary bilimdi til mamandary júrgizedi.

Qala turǵyndary tómende kórsetilgen meken-jaılar boıynsha qazaq tili kýrsyna jazyla alady.

Almaty jáne Esil aýdandary – Qoshqarbaev dańǵyly, 50 jáne Qabanbaı batyr dańǵ., 8 (213 oqý kabıneti);

Almaty jáne Baıqońyr aýdandary – M.Ǵabdýllın kóshesi., 5, 3-qabat (304 oqý kabıneti);

Saryarqa, Baıqońyr aýdandary – Respýblıka dańǵyly, 42, 3-qabat (7 oqý kabıneti).