Nur-Sultanda esirtki satqan adam ustaldy

NUR-SULTAN. QazAqparat – 26 tamyzda A.Imanov kóshesinde 42 jastaǵy qala turǵyny ustaldy, dep habarlaıdy QazAqparat Nur-Sultan qalasy polıtsııa departamentiniń baspasóz qyzmetine silteme jasap.

Onyń buryn sottalǵany anyqtaldy. úıdi tintý kezinde 151 gramm oralǵan nasha tárkilendi. Kúdikti ony astana aýmaǵynda satpaq bolǵan.

Atalmysh fakti boıynsha qylmystyq is qozǵaldy. Kúdikti Nur-Sultan qalasynyń polıtsııa departamentiniń ýaqytsha ustaý ızolıatoryna qamaldy. Tergeý júrgizilip jatyr.

23-29 tamyz aralyǵynda kósheler men qoǵamdyq oryndarda zań buzýshylyq pen qylmystardy eskertý jáne jolyn kesý maqsatynda astana aýmaǵynda «Quqyqtyq tártip» jedel-aldyn alý sharalary júrgizilýde.

Sharalardyń basynan beri 131 qylmys tirkeldi, olardyń 98-i ashyldy. Sonymen qatar buryn jasalǵan 70 qylmys anyqtalyp, izdeýde júrgen 18 qylmysker ustaldy.

3 myńǵa jýyq turǵyn úı aralandy, ishki ister organdarynyń esebinde turǵan 3 452 adam tekserildi.