Nur-Sultanda aýqymdy kitap festıvali ótedi

NUR-SULTAN. QazAqparat - Elordada aýqymdy «KITAP FEST - 2019» kitap festıvali ótedi, dep habarlaıdy QazAqparat Elorda Infoǵa silteme jasap.

Festıvaldi «BAURZHAN» jeke qory, «ABAYbooks» baspa úıi Nur-Sultan qalasy ákimdigi «Astana jastary» memlekettik kommýnaldyq mekemesiniń qoldaýymen uıymdastyrady.

«KITAP FEST» kitap festıvali Almaty qalasynda 5 jyl qatarynan uıymdastyrylyp keledi. Osy ýaqyt aralyǵynda festıval shaǵyn kitap almasý dástúrinen qalanyń aýqymdy mádenı-tanymdyq is-sharasyna aınalyp, halyqtyń yqylasyna bólenip úlgerdi.

Jyl saıyn kitap festıvali myńdaǵan kitapsúıer qaýymdy, talantty aqyn-jazýshylar men tabysty blogerlerdi, qoǵam qaıratkerleri men belsendileriniń basyn biriktiredi.

5 jyl ishinde «KITAP FEST» alańynda avtorlar men baspa úıleriniń qatysýymen 130-dan astam kitaptyń tanystyrylymy ótti, qonaqtarǵa 20 myńǵa jýyq kitap syılandy, 70-ten asa kitap dúkeni jármeńkege qatysyp, 45 bloger ózderiniń súıikti kitaptarymen bólisti.

Tuńǵysh ret ótetin festıval Nur-Sultan qalasynyń kitapsúıer qaýymyn qýantpaq.

«KITAP FEST» festıvali 25 tamyz kúni saǵat 10:00-19:00 aralyǵynda Arbatta (Esil ózeniniń jaǵalaýy) ótedi.