Nur-Sultan men Kıev yntymaqtastyqty arttyrý joldaryn talqylady
Qazaqstan tarapynan teń tóraǵa QR Saýda jáne ıntegratsııa mınıstri Baqyt Sultanov, Ýkraına tarapynan teń tóraǵa-Ýkraınanyń Birinshi vıtse-premeri, Ekonomıka mınıstri Alekseı Lıýbchenko boldy.
Otyrysty ashqanda taraptar yntymaqtastyqtyń mańyzdy áleýetin jáne ony ashý boıynsha birlesken keshendi kúsh-jigerge ózara múddeliligin atap ótti. Ýkraına Qazaqstannyń negizgi saýda seriktesteriniń biri bolyp qala beredi. Alaıda, sońǵy birneshe jylda ózara saýda kóleminiń tómendeýi tirkeldi.
Osyǵan baılanysty, Komıssııanyń teń tóraǵalary saýda aınalymynyń kólemin arttyrý boıynsha naqty bastamalar týraly aıtty. Baqyt Sultanov ýkraındyq áriptesterine birinshi kezeńde 70 taýar pozıtsııasyn jetkizý máselesin birlesip pysyqtaýdy usyndy, olar boıynsha qazaqstandyq kásiporyndar shıkizattyq emes eksportty 350 mln. teńgege jetkize alady. Bul óz kezeginde qazaqstandyq eksporttyń taıaýdaǵy perspektıvada 45,5% - ǵa ósýine alyp keledi.
«Biz munaı-hımııa, metallýrgııa, tamaq, hımııa, mashına jasaý salalarynyń ónimderin, qurylys taýarlaryn jetkizý kólemin ulǵaıtýǵa múmkindigimiz bar», - dep habarlady B.Sultanov.
Qazaqstandyq delegatsııa basshysynyń pikirinshe, saýda-ekonomıkalyq qatynastardyń damýyna Kıevte qazaqstandyq saýda úıiniń jáne Nur-Sultanda qazaqstandyq jáne ýkraındyq óndiristiń úzdik ónimderi usynylatyn ýkraındyq saýda úıiniń ashylýy yqpal eter edi.
Ózara taýar aınalymyn qarqyndatý úshin qazaqstandyq tarap Kıevke túrli salalarda birlesken kooperatsııalyq jobalardy ashý arqyly yntymaqtastyqty tereńdetýdi usyndy. Qazaqstan men Ýkraınanyń mashına jasaý, ónerkásip, aýyl sharýashylyǵy jáne IT-ındýstrııa salalarynda osyndaı yntymaqtastyqtyń tabysty tájirıbesi bar. Sonymen qatar, birlesken kásiporyndardyń áleýeti bar, onyń ishinde daıyn ónimdi Úshinshi elderge taratý úshin Komıssııanyń teń tóraǵalary kelisti.
Naqty jobalar týraly aıta otyryp, Ýkraına tarapy avtomobıl tehnıkasyn birlesip óndirýge qyzyǵýshylyq bildirdi. Óz kezeginde, Qazaqstan ýkraındyq naryqqa qazaqstandyq Hyundai avtokólikterin jetkizýge jáne seriktesterdiń usynystaryn saraptamalyq deńgeıde egjeı-tegjeıli pysyqtaýǵa daıyn ekenin aıtty.
Kıevte standarttaý, sáıkestikti baǵalaý jáne metrologııa salasyndaǵy yntymaqtastyq máseleleri, onyń ishinde bir Taraptyń ulttyq standarttaryn ekinshi Taraptyń aýmaǵynda qoldaný jáne taratý múmkindigi talqylandy.
QR Saýda jáne ıntegratsııa mınıstri Baqyt Sultanovtyń aıtýynsha, bul elder arasyndaǵy saýda-ekonomıkalyq yntymaqtastyqty odan ári nyǵaıtýǵa yqpal ete otyryp, saýdadaǵy tehnıkalyq kedergilerdi joıýǵa jaǵdaı jasar edi.
Taraptar kólik jáne tranzıttik tasymaldar salasyndaǵy Qazaqstan-Ýkraına yntymaqtastyǵynyń máselelerin qarastyrdy. Transkaspıı halyqaralyq kólik baǵyty aıasynda tranzıttik júk tasymalyn damytýǵa erekshe nazar aýdaryldy.
Sondaı-aq, qazaqstandyq tarap ýkraındyq áriptesterine ınvestıtsııalardy tartý úshin jáne ýkraın ónimderin QHR-ǵa kóterme-bólshek eksporttaý úshin alań retinde «Qorǵas» shekara mańy yntymaqtastyǵy halyqaralyq ortalyǵynyń múmkindikterin neǵurlym belsendi paıdalanýdy usyndy.
Kelissózderdiń bólek taqyryby – ІT salasyndaǵy yntymaqtastyqtyń sınergııasyn qamtamasyz etý. Bul rette taraptar pılottyq rejımde memlekettik basqarý jáne medıtsına salasyndaǵy birqatar tehnologııalyq sheshimderdi iske asyrýdy bastaý nıetin rastady.
Otyrys qorytyndysy boıynsha birqatar qujattarǵa qol qoıyldy:
1.Ekonomıkalyq yntymaqtastyq jónindegi memleketaralyq Ýkraına-Qazaqstan birlesken komıssııasynyń on tórtinshi otyrysynyń hattamasy;
2. Ýkraınanyń ekonomıka mınıstrligi men Qazaqstan Respýblıkasynyń saýda jáne ıntegratsııa mınıstrligi arasyndaǵy ekijaqty saýdadaǵy ózara is-qımyl máseleleri boıynsha ózara túsinistik týraly memorandým;
3. «Memlekettik-jekeshelik áriptestikti qoldaý máseleleri jónindegi Agenttik» memlekettik uıymy men «Qazaqstandyq memlekettik-jekeshelik áriptestik ortalyǵy» aktsıonerlik qoǵamy arasyndaǵy memlekettik-jekeshelik áriptestik salasyndaǵy yntymaqtastyq týraly memorandým.
Taraptar birlesken komıssııanyń 15-shi otyrysyn Qazaqstan Respýblıkasynda (Nur-Sultan q.) ótkizýge ýaǵdalasty.
