Nur-Sultan halyqaralyq ortalyq retinde damýy tıis – Toqaev
«Nur-Sultan halyqaralyq ortalyq retinde damýy tıis. Biz elordamyz ıe bolǵan pozıtsııa ózge qalalardan kem bolmaýy úshin barlyq jaǵdaıdy qamtamasyz etýimiz qajet. A Aıtpaqshy, bizdiń óńirimizde belgili bir halyqaralyq sharalardyń qatysýshysy jáne ótkizýshisi bolýda kóshbasshylyqqa umtylatyn qala bar. Bul - úlken abyroı», - dedi Memleket basshysy.
QR Prezıdenti qyzmet kórsetý salasynyń aǵylshyn tilinde de qoljetimdi bolýyn qamtamasyz etý qajettigin aıtty.
«Búgingi kúni qyzmet standarttary aǵylshyn tilinde qyzmet kórsetýdi qarastyrmaıdy. Nátıjesinde sheteldikter aǵylshyn tilinde qyzmet alý úshin deldaldardy jaldaýǵa májbúr jáne jıi aldaý qurbany bolyp jatady. Al munyń halyqaralyq aýqymda qala ımıdjine saldary bar. Óıtkeni, elordamyzda oryn alǵan kez kelgen oqıǵa jaıynda qaýeset bir sátte-aq búkil álemge taraıdy. Endigi ýaqytta sheteldik ınvestorlardyń memlekettik qyzmetterdi aǵylshyn tilinde «bir tereze» qaǵıdatymen qol jetkizýin qamtamasyz etý qajet», - dedi Q.Toqaev.
