Nur-Sultan halqynyń 37%-inde ǵana koronavırýsqa qarsy ımmýnıtet bar

NUR-SULTAN. QazAqparat – Nur-Sultan qalasy qoǵamdyq densaýlyq saqtaý basqarmasynyń basshysy Tımýr Muratov ujymdyq ımmýnıtetke qol jetkizý týraly suraqtarǵa jaýap berdi, dep habarlaıdy QazAqparat tilshisi.

«Qalamyzda 1 mln 200 myńnan astam adam turady. Sonyń ishinde ázirge 37%-i vaktsına alyp úlgerdi. ıAǵnı qazirgi tańda Nur-Sultan halqynyń 37%-inde ımmýnıtet bar. Jalpy ujymdyq ımmýnıtet turaqty bolý úshin bul kórsetkish 60%-dan joǵary bolý jáne soǵan jetýimiz kerek. Sol úshin jumys istep jatyrmyz», - dedi T. Muratov №71 mektep-lıtseıde tilshilerge bergen suhbatynda.

Mamannyń aıtýynsha, elordada sońǵy 1 aıdaǵy epıdemıologııalyq jaǵdaı densaýlyq saqtaý júıesinde de, statsıonarlarda da turaqty.

«Búginde 450-den artyq naýqas statsıonarda jatyr. 1500-ge jýyq naýqas ambýlatorııalyq em qabyldaýda. Jedel járdemge túsetin kovıd boıynsha júkteme burynǵydan artyq emes. Buryn qyrkúıek-qazan aılarynda shilde-tamyzben salystyrǵanda indet tómendese, qazirgi kúni tómengi shegine jetip, qazir turaqty túrde tur», - dedi T. Muratov.

Aıta keteıik, QR densaýlyq saqtaý vıtse-mınıstri Ajar Ǵınııat pen Sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova jáne elordalyq densaýlyq saqtaý basqarmasy balalar vaktsınatsııasyn baqylaý úshin elordalyq №71 mektep-lıtseıge bardy.

Qazaqstanda 3300 bala Pfizer vaktsınasyn saldyrdy jáne eshqaısysynan qatty janama áser baıqalǵan joq.

Qazirgi ýaqytta elordada kún saıyn Pfizer vaktsınasynyń 500 dozasy salynyp jatyr.