«Nur Otan» dárigerlerdiń áleýmettik jaǵdaıyn jaqsartýǵa atsalyspaq
«Atalǵan nysandardyń jumysymen tanysqan M.Áshimbaev dárigerlerdi kásibı meıramdarymen quttyqtap, eńbekterine jemis tiledi. Densaýlyq saqtaý salasy Elbasy, partııa Tóraǵasynyń udaıy basty nazarynda. Sondyqtan osy baǵytta kóptegen ıgi bastamalar qolǵa alynyp, sátti júzege asyrylyp keledi. Nátıjesinde elimizde medıtsınalyq kómek kórsetý isinde aıtarlyqtaı ilgerileý anyq baıqalady. Bul jumystar «Nur Otan» partııasynyń da basty baqylaýynda ekeni sózsiz», - delingen partııanyń baspasóz qyzmeti taratqan habarlamada.
Máýlen Áshimbaev aldymen №2 qalalyq aýrýhanada boldy. Bul aýrýhana 24/7 rejiminde táýlik boıy jumys isteıtin statsıonar bolyp sanalady. Munda mamandandyrylǵan 19 bólimde joǵary sapaly medıtsınalyq qyzmet kórsetiledi. Qalalyq aýrýhana otandyq jáne sheteldik medıtsınalyq mekemelermen tyǵyz baılanysta jumys isteıdi. Aýrýhanada taldamalardyń barlyq túri jasalady. Konsýltatıvtik-dıagnostıkalyq bólimde professorlar, medıtsına ǵylymdarynyń kandıdattary, joǵary jáne birinshi dárejeli dárigerler qyzmet kórsetedi. Sondaı-aq sheck-up baǵdarlamasy arqyly da medıtsınalyq kómek alýǵa múmkindik bar. Aýrýhana bólimsheleri kompıýterlik jáne magnıttik rezonansty tomografpen, keshendi angıografııalyq, operatsııalyq jáne reanımatsııalyq bólmelerge arnalǵan quraldarmen, manıpýlıatsııalyq qondyrǵylarmen jáne avtomattandyrylǵan zerthanalyq keshenmen jabdyqtalǵan. Bul jylyna 12 myńnan astam operatsııa jasaýǵa jáne 16 myńnan astam adamǵa qyzmet kórsetýge múmkindik beredi. Emdeý mekemesi 360 statsıonarlyq tósek orynǵa shaqtalǵan.
Aýrýhanyń bas dárigeri Ivan Lıdiń aıtýynsha, munda patsıentterdi bastapqy qabyldaý halyqaralyq tájirıbe boıynsha júrgiziledi. ıAǵnı, aýrýhananyń qabyldaý bólimine trıaj dep atalatyn júıe engizilgen.
«Sol boıynsha barlyq naýqastar negizshi úsh aǵynǵa bólinedi. Qyzyl - ómirine qaýip tónip turǵan, shuǵyl kómekti qajet etetin naýqastarǵa arnalǵan. Sary aǵyndar da shuǵyl naýqastar bolyp tabylady. Biraq munda qyzmet kórsetý ýaqyty eki saǵatqa shegerilgen. Al sońǵy jasyl aǵyn kelýshilerge dıagnostıkalyq keńes berýge, belgili bir ýaqyt aralyǵynda kómek kórsetýge bolatyn jáne ambýlatorııalyq negizde bosatylatyn naýqastar», - deıdi I.Lı.
Sondaı-aq atalǵan nysan elimizde qarqyndy júzege asyrylyp kele jatqan densaýlyq saqtaý salasyn damytý jáne jańǵyrtý baǵdarlamasyna da belsene qatysýda. Medıtsınalyq kómektiń sapasyn arttyrý baǵytynda tyń bastamalar qolǵa alynyp, aýrýhana jumysyna tsıfrlandyrý úderisi de keńinen engizilýde. Sonyń nátıjesinde dárigerge jazylý, keńes alý sııaqty jumystar aýrýhananyń veb-saıty arqyly júrgiziledi.
Atalǵan medıtsınalyq mekemeniń qyzmetkerlerimen kezdesken Máýlen Áshimbaev olardy kásibı merekelerimen quttyqtap, jumystaryna tabys tiledi.
Sonymen qatar partııa Tóraǵasynyń birinshi orynbasary balalarǵa arnalǵan qalalyq juqpaly aýrýlar aýrýhanasyna bardy. Bul aýrýhana da zamanaýı medıtsınalyq tehnologııalarmen jabdyqtalǵan, joǵary sapaly qyzmet kórsetetin mekemelerdiń biri. AQSh-tan ákelingen Mass-spektrometr analızatorynyń kómegimen munda mıkrobıologııa boıynsha sapaly taldaý jumystary júrgiziledi. Odan bólek, pedıatr-dárigerlerdiń osy jerde oqyp, bilimderin jetildirýge múmkindik qarastyrylǵan. Ótken jyldan bastap balalar arasyndaǵy asqazan juqpalarynyń aldyn alý sharalary boıynsha zertteý jumystary da turaqty júrgizilip keledi.
Máýlen Áshimbaev mekeme qyzmetkerlerin kásibı merekelerimen quttyqtap, densaýlyq saqtaý elimizdegi asa mańyzdy salalardyń biri ekenin aıtty.
«Qoǵamda kez kelgen mamandyqtyń óz orny bar. Degenmen, solardyń ishinde dárigerlerdiń róli erekshe. Óıtkeni halyqtyń densaýlyǵy aq halatty abzal jandardyń jumysyna tikeleı baılanysty. Al densaýlyqtyń bárinen mańyzdy ekeni aıtpasa da túsinikti. Munyń memleket úshin de mańyzy joǵary. Sebebi memlekettiń eń negizgi baılyǵy shıkizat, iri óndiris oshaqtary, tabıǵı qazbalar emes, bilimdi, deni saý azamattar. Bilim men myqty densaýlyq qana HHІ ǵasyrdaǵy damý úrdisteriniń basty talaby bolyp otyr. ıAǵnı, qazir oza shaýyp, alǵa shyǵý úshin osy eki basymdyqqa erekshe mán berý kerek. Osy turǵydan alǵanda elimizde Elbasymyzdyń bastamasymen aýqymdy jumystar atqarylýda. Sonyń arqasynda otandyq medıtsına barlyq jaǵynan qarqyndy damyp, jańa reformalar tabysty júzege asyrylyp jatyr. Bul rette «Nur Otan» partııasy da Elbasynyń senimdi tiregi retinde aıtarlyqtaı qoldaý kórsetip keledi. Aldaǵy ýaqytta da partııa osy salanyń odan ári damýyna, dárigerlerdiń áleýmettik jaǵdaıyn jaqsartyp, halyqtyń densaýlyǵyn nyǵaıtýǵa basymdyq beretin bolady», - dedi Máýlen Áshimbaev.
Sondaı-aq, «Nur Otan» partııasy Tóraǵasynyń birinshi orynbasary mindetti áleýmettik medıtsınalyq saqtandyrý júıesine nazar aýdardy. Óz sózinde Máýlen Áshimbaev atalǵan bastamanyń otandyq medıtsınany jańa deńgeıge kóterip, osy saladaǵy birqatar áleýmettik máseleniń oń sheshilýine yqpalyn tıgizetinin tilge tıek etti.
