NU-dyń jańa Prezıdenti taǵaıyndaldy

ASTANA. KAZINFORM - 2024 jylǵy 28 maýsymdaǵy NU Qamqorshylyq keńesiniń sheshimimen Prezıdent qyzmetine Ulybrıtanııanyń azamaty Ahmad Vakar tańdaldy, dep habarlaıdy ýnıversıtettiń baspasóz qyzmeti.

Ahmad Vakar Bredford ýnıversıtetinde (Ulybrıtanııa) PhD doktory dárejesin alǵan.

Doktor Vakar óziniń mansap jolynda Iork ýnıversıteti men London ýnıversıtettik kolledji (Ulybrıtanııa) professory qyzmetinen Mıdlseks ýnıversıtetiniń (Ulybrıtanııa) prorektoryna deıin kóterilgen.

2001-2004 jyldary doktor Vakar Ulybrıtanııa Premer-Mınıstri kantselıarııasy Ǵylym departamentin basqarǵan.

2017 jyldan bastap Abý-Dabı ýnıversıtetiniń rektory boldy. Ol basshylyq etken jyldary Abý-Dabı ýnıversıteti Times Higher Education bedeldi reıtıngindegi úzdik ýnıversıtetter arasynda 250-300 dıapazonyna deıin kóterildi.

Sonymen qatar ol – bedeldi ǵylymı basylymdarda jarııalanǵan 90-nan astam ǵylymı jumystyń avtory.