Norvegııalyqtar hanshaıym Marta Lýızany tıtýlynan aıyrmaq

ASTANA. KAZINFORM — Hanshaıym Marta Lýıza men onyń kúıeýi, ózin baqsy dep ataǵan Dıýrek Verrett týraly Netflix-te derekti fılm shyqqannan keıin Norvegııada koroldik otbasy týraly jańa pikirtalas bastaldy. Bul týraly AZERTADJ jazdy. 

Norstat agenttiginiń júrgizgen saýalnamasyna sáıkes, norvegııalyqtardyń 71 paıyzy «hanshaıym ataǵynan aıyrylýy kerek» dep esepteıdi.

Verret fılmde korol Harald V pen patshaıym Sonıany synǵa alyp, olardy ksenofobııany túsinbeıdi dep aıyptaıdy. Sonymen qatar eldegi halyq qorlaý retinde qabyldaǵan jeke hat almasý týraly aıtady. Koroldik sarapshy Rodjer Lýndgren norvegııalyqtardyń Marta Lýızanyń kommertsııalyq kásiporyndarynan, onyń koroldik otbasy men tıtýldy iskerlik maqsatta paıdalanbaý týraly kelisimin buzýynan sharshaǵanyn atap ótti.

88 jastaǵy korol Harald V erli-zaıyptylardyń kelisimdi buzǵanyn moıyndady, biraq tıtýl máselesi talqylanbaǵanyn aıtty.

— Marta Lýıza 20 jyldan astam memlekettik qoldaýǵa ıe bolmaǵan. Sondaı-aq 2022 jyly koroldik otbasynyń paıdasy úshin óziniń resmı mindetterinen bas tartty. Hanshaıym tıtýlynan ózi bas tarta alady, biraq R.Lýndgrenniń aıtýynsha, buǵan jol berilmeıdi. Sarapshy bul jaǵdaıdy AQSh-qa qonys aýdaryp, koroldik otbasyn qatal synaǵanymen, tıtýlyn saqtap qalǵan Ulybrıtanııa hanzadasy Garrıdiń jaǵdaıymen salystyrdy, — delingen aqparatta.

Sonymen birge monarhııaǵa degen jalpy senim artyp keledi. Qazir halyqtyń 73 paıyzy ony qoldaıdy, bul sońǵy jarty jyldaǵy rekordtyq kórsetkish. Baqylaýshylar muny korol men patshaıymnyń jeke bıligimen baılanystyrady.

Aıta keteıik, qazir Marıýs Borg Hoıbıge zorlyq kórsetken murager hanzada Hokonnyń ógeı ulyna qatysty janjal men Avstralııaǵa oqýǵa ketken tanymal hanshaıym Ingrıd Aleksandranyń elde bolmaýy koroldik otbasy úshin qıyndyq týǵyzyp otyr.

Tamyzda Norvegııa kronprıntsessanyń uly zorlyq úshin jaýapqa tartylatyny týraly jazdyq.