Norvegııalyq murager hanshaıymnyń ulyn polıtsııa 23 saǵatqa qamady

ASTANA. KAZINFORM— Norvegııanyń murager hanshaıymy Mette-Marıttiń uly Marıýs Borg Hoıbıdi polıtsııa burynǵy súıiktisine zorlyq-zombylyq kórsetti, sonymen qatar múlkine zııan keltirdi degen kúdikpen ustady, dep jazady AZERTADJ.

Agenttiktiń habarlaýynsha, knıazdik ataǵy da, koroldik mindeti de joq 27 jastaǵy Marıýs 23 saǵatyn polıtsııa bólimshesinde ótkizgen.

Birneshe kúndik únsizdikten keıin Marıýs Oslonyń Frogner aýdanyndaǵy 26 jastaǵy áıeldiń páterinde bolǵan oqıǵaǵa túsinik berip, onyń alkogol men kokaın áserinen jasalǵanyn aıtty.

Óz málimdemesinde ol túrli psıhıkalyq buzýshylyqtardan zardap shekkenin, sonyń saldarynan eresek ómirinde qıyndyqtarǵa tap bolǵanyn, sonymen qatar alkogolge táýeldilikten emdelgenin, ony qaıta jalǵastyrýǵa nıetti ekenin moıyndady.

Marıýs sonymen qatar burynǵy súıiktisinen keshirim surap, ony fotograftar men jýrnalısterdiń qýdalaýyna tap qylǵanyna ókinish bildirdi.

Marıýstyń qamaýǵa alynýy men málimdemesi Norvegııada syn men janashyrlyqqa toly eń kóp talqylanǵan taqyryp boldy.

Bir qyzyǵy, osy jyldyń naýryz aıynda Mette-Marıt áıelderge qatysty zorlyq-zombylyqtyń aldyn alýǵa arnalǵan jıynǵa qatysqan.

Táj hanshaıymy zorlyq kórgen áıelmen baılanysqa shyqty, ol ázirge oqıǵa týraly aqparat quraldaryna túsinik berýden bas tartty.

Marıýstyń 29 jastaǵy burynǵy seriktesiniń áleýmettik jelidegi «Buryn men de bul adamnan psıhologııalyq jáne fızıkalyq turǵydan zorlyq kórgenmin, biraq qazir bul týraly únsiz qalmaýdy jón kórdim. Muny toqtatý kerek!» - degen jazbasy qoǵam nazaryn aýdardy.

Aıta keteıik, denege zııan keltiretin qylmys Norvegııanyń Qylmystyq kodeksindegi zorlyq-zombylyq qylmysynyń eń ońaı túri sanalady jáne aıyppul salýǵa nemese bir jylǵa deıin bas bostandyǵynan aıyrý jazasy qarastyrylýy múmkin.

Sondaı-aq buzaqylyq jáne múliktik zııan úshin aıyppul nemese bir jylǵa deıin bas bostandyǵynan aıyrý jazasy qarastyrylǵan.

Polıtsııanyń málimetinshe, jaýap alý kelesi aptada ótedi.