Norvegııa basylymy QazVac vaktsınasynyń ereksheligin túsindirdi

NUR-SULTAN. QazAqparat – Norvegııa eliniń Steigan.no aqparattyq-saraptamalyq portaly Qazaqstanda koronavırýsqa qarsy shyǵarylǵan vaktsına týraly maqala jarııalady. Onda QazVac vaktsınasyn ázirleý jáne testileý kezeńderi týraly egjeı-tegjeıli baıandap, sondaı-aq, atalǵan oqıǵanyń máni týraly kommentarıı usynǵan.

«Bul jańalyq kem degende birneshe mańyzdy aspektiden turady+. Qazaqstannyń óz vaktsınasyn shyǵarýy tańǵaldyryp jatqan joq. Óz vaktsınasyn shyǵarý baǵytynda birneshe el jumys atqarýda. Qazaqstanda osyny júzege asyratyn zertteýshilik orta bar. Bizdiń oıymyzsha, bul vaktsınanyń oqshaýlanyp, sekventsııalanǵan naqty Covid-19 vırýsynyń negizinde shyǵarylǵany qyzyq bolyp otyr.

Bizdiń túsingenimiz, tipti farmatsevtıkalyq alyptardyń eń tanymal vaktsınalary da vırýs bóliginiń ózinen emes, kompıýterlik model negizinde shyǵarylady», - dep atap ótti Steigan.no.

Basylym QazVac vaktsınasyn eksperımentaldyq elementteri joq dástúrli vaktsına dep ataǵan.

«Basqa mańyzdy aqparat – bul vaktsınany saqtaý úshin eń tómen temperatýra qajet emes, oǵan tońazytqyshtaǵy qalypty temperatýra da jetkilikti. Bul ony kópshilikke, sonyń ishinde kedeı elder úshin qoljetimdi etip otyr», - dep túıindedi Steigan.no.

Avtor: Іlııas Omarov