«Nomad» komandasy shaıbaly hokkeıden Qurlyq kýbogyna qatysady

Qazaqstandyq «Nomad» komandasynyń qatysýymen ótetin Qurlyqtyq kýboktyń E tobyndaǵy oıyn kestesi belgili boldy, dep habarlaıdy Kazinform.

Qazaqstandyq bapker Fedor Polışýktiń jetekshiligimen «Nomadtan» ózge E tobynda «Kardıff Devılz» (Ulybrıtanııa), «Grenobl» (Frantsııa) jáne «Zemgale» (Latvııa) komandalary synǵa túsedi.

«Nomadtyń» oıyn kestesi (Astana ýaqytymen)

17 qarasha. 21:00. «Kardıff» - «Nomad»;

19 qarasha. 01:15. «Grenobl» - «Nomad»;

19 qarasha. 20:00 «Nomad» - «Zemgale».

Qurlyqtyq kýbok Halyqaralyq shaıbaly hokkeı federatsııasy aıasynda 1997 jyldan beri turaqty túrde ótkizilip keledi.

Qazirge deıin elimizdiń atynan qatysqan Kókshetaýdyń «Arlan» komandasy 2018/2019 jylǵy týrnırde bas júldeni jeńip aldy.

Ártúrli jyldarda «Beıbarys» (Atyraý), «Saryarqa» (Qaraǵandy), «Nomad» (Astana) ekinshi orynǵa jaıǵassa, «Qaztsınk-Torpedo» (Óskemen) qola júldeger atanǵan edi.

Eske salsaq, budan buryn shaıbaly hokkeıden Qazaqstan ulttyq quramasyna bas bapker taǵaıyndalǵan edi.