Nobel syılyǵyn tabystaý rásimi taǵy da ótkizilmeıtin boldy

NUR-SULTAN. QazAqparat - Nobel syılyǵyn tabystaý rásimi pandemııaǵa baılanysty taǵy da ótkizilmeıtin boldy, dep habarlaıdy QazAqparat Reuters agenttigine silteme jasap.

Nobel qory marapattaý rásimderiniń byltyrǵydaı onlaın jáne oflaın rejiminde bolatynyn málimdedi. Osylaısha, negizgi rásim teledıdar arqyly jáne Nobel syılyǵynyń tsıfrlyq platformalary arqyly tikeleı efırden kórsetiledi.

Óz kezeginde Nobel syılyǵynyń norvegııalyq komıteti álem syılyǵyn jeke shara aıasynda Oslo qalasynda tabystaý múmkindigin qarastyryp otyr. Merekelik rásimder ádette skandınavııalyq eki astanada 10 jeltoqsanda – syılyqtyń negizin qalaýshy Alfred Nobel qaıtys bolǵan kúni ótkiziletini atap ótilýde. Stokgolm ratýshasynda laýreattardyń qatysýymen beınetanystyrylymdar ótkiziledi, sondyqtan rásimge jergilikti aýdıtorııa qatysady.

Bıylǵy jyl laýreattarynyń esimderi 4-11 qazan kúnderi arasynda belgili bolady.

Nobel syılyǵy – jyl saıyn ataqty ǵylymı zertteýler, revolıýtsııalyq ónertabystar nemese mádenıet ne qoǵamnyń damýyna qosqan zor úles úshin tabystalatyn bedeldi álemdik syılyq.