Nıkolaı Kostov «Aqtóbe» bas bapkeri qyzmetinen ketti

ASTANA. KAZINFORM - Bolgarııalyq maman Nıkolaı Kostov eki taraptyń kelisimi boıynsha «Aqtóbe» fýtbol klýbynyń bas bapkeri qyzmetinen ketti.

Bul jóninde komandanyń baspasóz qyzmeti málim etti.

Byltyrǵy fýtbol maýsymynyń ortasynda 62 jastaǵy maman komandany jetekshilik jasap, chempıonatta besinshi orynǵa taban tiredi.
2025 jyldyń tamyzynan beri Kostovtyń basshylyǵymen «Aqtóbe» QPL aıasynda on oıyn ótkizdi. Onyń tórteýin jeńse, bireýinde teń oınap, qalǵan beseýinde jeńiliske ushyrady.

Nıkolaı Kostovpen birge onyń eki kómekshisi Ioan Danıelov-Atanaschev pen Mıhaıl Tsokov ta aq-qyzyldarmen qosh aıtysty. 

Bıyl «Aqtóbe» fýtbol klýby resmı túrde Qazaq Stroy Properties kompanııasy jekemenshigine ótti. Komanda quramyna portýgalııalyq ataqty fýtbolshy Lýısh Nanıdi qosyldy.

Bıyl «Aqtóbe» alǵashqy úsh týrda bir márte jeńiske jetip, qalǵanynda qarsylasyna ese jiberdi.