Nıgerııada lańkester 10 turǵyndy mert qyldy

ASTANA. KAZINFORM — Nıgerııanyń ortalyǵyndaǵy Plato shtatynda bolǵan qarýly shabýyldan 10 adam qaza tapty, dep habarlaıdy Anadoly.

Berom jastar qaýymdastyǵynyń tóraǵasy Solomon Dalop jergilikti gazetke qarýly adamdardyń shtattaǵy Djol jáne Dorova Babýje aýyldaryna shabýyl jasaǵanyn aıtty.

Dalop shabýyldarda 10 adamnyń qaza tapqanyn jáne biraz turǵynnyń jaralanǵanyn jetkizdi.

Onyń aıtýynsha, shabýyl týraly habar túsken soń aımaqqa memlekettik qaýipsizdik kúshteri jetken.

Nıgerııanyń birshama aýmaǵyna uzaq ýaqyt boıy qarýly toptar, sondaı-aq «Boko Haram» lańkestik uıymy jáne DAISh (DAISh — Qazaqstan Respýblıkasynda tyıym salynǵan uıym — red.) ISWAP-tyń Batys Afrıka bólimshesi shabýyldar jasady.

Aıta keteıik, Nıgerııada qarýly adamdar 300-den astam balany urlap ketti. Keıin sodyrlar áketken 100 oqýshy qyz bosatyldy.