Nıgerııada keme aýdarylyp, 25 adam mert boldy

ASTANA. KAZINFORM – Nıgerııanyń soltústik-shyǵysyndaǵy Iobe shtatynda jolaýshylar kemesi aýdarylyp, 25 adam mert boldy, dep habarlaıdy Anadolu Ajansı.

Bul týraly Iobe shtatynyń tótenshe jaǵdaılardy basqarý agenttiginiń bas hatshysy Mohamed Godje málim etti.

Onyń sózinshe, sol kúnniń aldynda keshkisin Iobe shtatynan jolaýshylardy tasymaldap kele jatqan keme Ngýrý ózeninde aýdarylyp qaldy.

Godje oqıǵadan soń 13 adamdy qutqarý múmkindigi týǵanyn aıtty. Alaıda 14 adam burynǵysynsha iz-túzsiz joǵalǵandar qatarynda. Іzdeý-qutqarý jumystary áli júrip jatyr.

Kemeler jıi apatqa ushyrap jatatyn Nıgerııada 2025 jyldyń 10 qyrkúıeginde osy tektes oqıǵalardyń aldyn alý úshin el boıynsha lıtsenzııasy joq kemelerdi paıdalanýǵa tyıym salynǵan.

Osyǵan deıin Nıgerııada joldaǵy mınalardyń jarylýy saldarynan toǵyz adam qaza tapqany týraly jazdyq.