Nıderland kún batareıalaryn ımporttaýdan álemde birinshi orynda

BRıÝSSELЬ. QazAqparat - Nıderlandtyń CBS statıstıka basqarmasynyń málimetine sáıkes, bul el kún batareıalaryn ımporttaý boıynsha álemde birinshi orynǵa shyqty, dep habarlaıdy QazAqparat tilshisi.

2022 jyly Nıderland shamamen 12 mlrd eýroǵa kún batareıasyn aldy, bul álemdegi ekinshi iri ımporttaýshy AQSh-tan 2 mlrd-qa kóp. Úzdik «bestikke» sondaı-aq Brazılııa, Germanııa jáne Ispanııa elderi kirdi.

Degenmen, Nıderland baspasóziniń jazýynsha, eldiń kún batareıalarynyń ımportynyń 60% negizinen EO-nyń basqa elderine qaıta eksporttalady.

Bul rette quny 0,5 mlrd eýro kún panelderiniń kóp bóligi (jalpy somanyń 89%-y) kún panelderi úshin qajetti kóptegen materıaldar, sonyń ishinde gallıı, magnıı, kremnıı, germanıı, grafıt jáne sırek kezdesetin jer metaldar shyǵarylatyn Qytaıdan keledi.

Osy mańyzdy materıaldardyń ərqaısysynyń jahandyq óndirisiniń kem degende 65%-y, sonyń ishinde gallıı óndirisiniń 98 %-y Qytaı úlesinde.

2021 jylmen salystyrǵanda, Nıderlandqa kún panelderin ımporttaý quny 2022 jyly eki eseden astam ósti. Buǵan kún batareıalary baǵasyna suranystyń artýy sebep bolǵan.

Nıderland sonymen qatar 2022 jyly EO-da jan basyna shaqqandaǵy kún elektr qýatynyń eń úlken úlesin (shamamen 14%) óndirdi, Eýroodaqtaǵy 27 eldiń ishinde ornatylǵan kún batareıalarynyń eń kóp sany bar memleket boldy.

Nıderlandta 2021 jyly shamamen 48 mlnn kún paneli bolǵan, al Nıderland Kásipkerlik agenttigi habarlaýynsha, ótken jyly shamamen 10 mln-ǵa jýyq panel ımporttalǵan.