Nesıelik naryq qalpyna kelip jatyr - Danııar Aqyshev
«Jyldyń basynan bastap 24 qazanǵa deıin valıýta naryǵynda teńge baǵamy 10,1 paıyzǵa álsiredi jáne bir AQSh dollary úshin 365,82 teńgeni qurdy. Teńgeniń álsireýi syrtqy faktorlarǵa baılanysty boldy. Birinshiden, damyp jatqan elderdiń valıýtalaryna qaraǵanda AQSh dollarynyń kúsheıýi. Ekinshi faktor - Reseıge qarsy sanktsııalardy odan ári qataıtý týraly habarlandyrýy. Osyǵan oraı, jyldyń basynan beri Reseı rýbliniń álsireýi 15 paıyz boldy. Ulttyq bank shekarasy, dálizi nemese basqa da ólshemderi joq ózgermeli aıyrbas baǵamy saıasatyn jalǵastyrady», - dedi Danııar Aqyshev.
Sonymen qatar UB basshysy nesıelik naryq qalpyna kelip jatqanyn atap ótti. Ótken jyldyń uqsas kezeńimen salystyrǵanda, 9 aıda jańa nesıe berý kólemi 25,8 paıyzǵa nemese 2 trln teńgege ósti.
«Qaıta qurylymdap jatqan jáne lıtsenzııadan aıyrylǵan bankterdi qospaǵanda, ekonomıkany nesıeleýdiń jyldyq ósýi 11,2 paıyzdy nemese 1,1 trln teńge boldy. Kásiporyndarǵa teńgedegi nesıeler boıynsha stavka jyl basyndaǵy 13,2 paıyzdan 2018 jylǵy qyrkúıekte 12,2 paıyzǵa deıin tómendedi», - dep naqtylady ol.
Eske sala ketsek, búgin Parlament Senatynyń jalpy otyrysynda bıýdjetke engizilgen túzetýler qabyldandy.
