Nesıe ónimderine jeke mólsherleme taǵaıyndalady – Nurlan Abdrahmanov

ALMATY. QazAqparat – QR Qarjy naryǵyn retteý jáne damytý agenttigi tóraǵasynyń orynbasary Nurlan Abdrahmanov onlaın brıfıng barysynda nesıelerdiń shekti mólsherlemesi boıynsha ártaraptandyrý júrgizilip jatqanyn aıtty, dep habarlaıdy QazAqparat tilshisi.

«Bul da Memleket basshysynyń tapsyrmasy bolyp otyr. Agenttik Ulttyq bankpen, Qarjygerler qaýymdastyǵymen birige otyryp nesıe ónimderiniń túrine baılanysty shekti mólsherlemeni ártaraptandyrý tetikterin qarastyryp jatyr. Qazir bul jumystar qolǵa alynyp jatqandyqtan, sizderge qaı nesıe túri boıynsha qansha shekti mólsherleme bolatynyn aıta almaımyn», - dedi Nurlan Abdrahmanov.

Onyń aıtýynsha, qazir naryq zerttelip jatyr. Bank ónimderi, mıkroqarjylyq uıymdardyńǵ ónimderine taldaý júrgizilip jatyr.

«Ár ónim boıynsha ár nesıe ıeleriniń sanattaryna jeke tiımdi mólsherleme taǵaıyndalatyn bolady», - dedi spıker.