Nepalda sońǵy bir aıda órt saldarynan 22 adam qaza tapty
ASTANA. KAZINFORM – Nepalda qańtardyń ortasy men aqpan aıynyń ortasyna deıingi aralyqta bolǵan birneshe júzdegen órtte 22 adam qaza taýyp, 87 adam jaraqat aldy. Bul týraly beısenbi kúni jergilikti polıtsııa málimdedi, dep habarlaıdy Sınhýa aqparat agenttigi.
Polıtsııanyń aı saıynǵy esebine sáıkes, 478 órt saldarynan 68 úı men 66 mal qorasy qıratyp, 247 mal qyryldy. Joıylǵan múliktiń jalpy quny 184,82 mln nepal rýpııasyn (1,34 mln AQSh dollary) qurady.
Órtterdiń basym bóligi Koshı provıntsııasynda, odan keıin el astanasy ornalasqan Bagmatı provıntsııasynda tirkeldi.
Eske sala keteıik, qańtarda Nepalda 7 baldyq jer silkinisi bolǵanyn jazǵan bolatynbyz.
Nepalda demalys kúnderi jaýǵan nóser jańbyr saldarynan bolǵan sý tasqyny men kóshkinnen qaza tapqandar sany 193-ke jetken edi. Sol tusta qalpyna keltirý jáne qutqarý jumystary kúsheıtildi.